29597559_1309532925846267_5529288552823275574_n

ڕاگەيەنراوى مەكتەبى سياسى بزووتنەوەى ئيسلامى دەربارەى پرسى مووچەو ناڕەزايەتييەكانى خەڵك

ڕاگەيەنراوى مەكتەبى سياسى بزووتنەوەى ئيسلامى دەربارەى پرسى مووچەو ناڕەزايەتييەكانى خەڵك
بەناوى خواى گەورەو ميهرەبان
بەداخەوە بۆ دەسەڵاتێكى بێباك لەهەموو ئەو مەينەتييانەى بەسەر گەلەكەيدا هێناوەو هێشتا ئەو دەسەڵاتە شەقوەشێن و بەڵتەجييەكانى دەنێرێتە سەر خەڵك و سوكايەتى بەشكۆى مامۆستاو هاوڵاتيانى كوردستان دەكەن، ئێمە دەمێكە وتوومانەو دەيڵێينەوە كە ئەم حكومەت و دەسەڵاتە هيچ شەرعيەتێكى نەماوەو بەزۆرە ملێى دەستيان بەسەر نان و بژێوى خەڵك و داهاتى وڵاتدا گرتووەو تەنها ڕۆڵى كۆمەڵێك بازرگانى چاوچنۆك دەبينن كە بەهيچ تێر نابن، بەڵام هەموو ئەمانە ئيرادەى ئەم گەلە تێكۆشەرە ناپسێنێت و دڵنياين بەخەبات و كارى مەدەنى و ناڕەزايەتى بەردەوامى خۆيان هەموو بەربەستەكانى بەردەمى ژيانێكى ئازادو شەرەفمەندانە ڕادەماڵن و ژيانى ئاسايى بۆ ئەم هەرێمە دەگێڕنەوە.
ئێمە لەبزووتنەوەى ئيسلامى بەشێكين لەجەماوەرى ناڕازى كوردستان و پشتگيرو پشتيوانى مامۆستايان تەندروستكاران و فەرمانبەران و گشت چين و توێژەكانى خەڵكى كوردستانين، لەم ساتەوەختەشدا دووپاتى دەكەينەوە كە مووچەى فەرمانبەرانى كوردستان خێرى هيچ دەسەڵاتێك نييە و بەرى ڕەنج و ماندووبوونى فەرمانبەرانەو دەسەڵات بۆى نييە فلسێكى لێ زەوت بكات، پاشەكەوت ستەمێكى گەورەو تاڵانكارييەكى بێ پاساوەو دەبێت كۆتايى پێ بهێنرێت، بەهيچ شێوەيەكيش لەگەڵ دەستكاريكردنى پاشەكەوتيشدا نين، بەڵكو لەگەڵ هەڵگرتنى پاشەكەوتداين بەشێوەيەك كە مووچەى فەرمانبەرانى هەرێمى كوردستان هيچى كەمتر نەبێت لەمووچەى فەرمانبەرانى عێراق، جێگاى قبوڵ نييە ئەم دەسەڵاتە بمانكاتە هاوڵاتى پلە دووى ناو دەوڵەتى عێراق و لەڕووى ماف و مووچەى خەڵكەوە لەخوار هاوڵاتيانى عێراقەوەبين..

شكۆمەندى بۆ خەباتى مەدەنى و تێكۆشانى خەڵك
وتەبێژى فەرمى مەكتەبى سياسى بزووتنەوەى ئيسلامى
٢٠١٨/٣/٢٧

بابەتی دواتر

9660167411073024_n

ڕابەری گشتی لەگەڵ مسعود بارزانی کۆبوەوە

مامۆستا عیرفان عەبدولعەزیز ڕابەری گشتی بزووتنەوەی ئیسلامیی لە صلاح الدین سەردانی کاک مسعود بارزانی سەرۆکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *