DJxjN8nX0AA8He7

لیژنەی دارایی و كاروباری ئابووری لە پەرلەمان: هەفتەی داهاتووەوە گفتوگۆ لەسەر پڕۆژە چاكسازیی ده كات

داوا لە پەرلەمان دەكرێت، پەلە لە دەركردنی یاسای “چاكسازیی لەخانەنشینی بکات وپەرلەمانتارێكیش رایدەگەیەنێت، “بە جێبەجێكردنی ئەو یاسایە، پاشەكەوت بەتەواوی هەڵدەوەشێتەوەو میکانیزمی دانەوەی مووچە پاشەکەوتکراوەکانیش دادەنرێت”.

ئەندامی لیژنەی دارایی و كاروباری ئابووری لە پەرلەمانی كوردستان مەدینە ئەیوب رایدەگەیەنێت: بەگوێرەی پڕۆژەیاسای چاکسازییەکە، حساب بانكییەك بۆ فەرمانبەران دەكرێتەوەو سەرجەم بڕی مووچەی پاشەكەوتكراوەكانیان دەخرێتە سەر ژمارە حسابییەكەو دەشڵیت: “دڵنیاییمان وەرگرتووە بەهیچ جۆرێك مووچەكانیان نافەوتێت”.

هه روه ها ده ليت:، حكومەت داوای لە پەرلەمان كراوە، پەلەبكرێت لە دەركردنی یاسای چاكسازیی مووچەو دەشڵێت: “هەركاتێك یاسای چاكسازیی خرایە بواری جێبەجێكردنەوە، حكومەتی هەرێم دەست دەکات بە جێبەجێكردنی یاساكە و هیچ سیستمێكیش بەناوی پاشەكەوتەوە نامێنێت و لەوە بەدواوە، فەرمانبەران بەتەواوەتی مووچەكانیان وەردەگرن”.

سەبارەت بە سیستمی نوێی پاشەكەوتیش كە ئێستا بڕیاردراوە 10% تا 30% پاشەكەوت بكرێت، ئەوەی ئاشكراکردووە کە “بەپشتبەستن بەو پارەیەی لە ئەنجامی جێبەجێكردنی یاسای چاكسازیی بۆ داهاتی حكومەت دەگەڕێتەوە كە بەنزیكەی 100 ملیار دینار دادەنرێت، حكومەت هیچ شتێك بەناوی پاشەكەوتەوە ناهێڵێت و لەو چوارچێوەیەشدا بەڵێنی پێداوین”.

سەبارەت بەوادەی جێبەجێكردنی بڕیارەكەش بۆ یاسای چاكسازیی، ئەو پەرلەمانتارە دەڵێت: لەهەفتەی داهاتووەوە گفتوگۆ لەسەر پڕۆژە چاكسازییەكەی دەكرێت و هەركاتێكیش گەیشتە كۆتایی و خرایە بواری جێبەجێكردنەوە ئه وا بەدڵنیاییەوە پاشەكەوتەكە بەیەكجاری لادەبرێت.

ش.ك

بابەتی دواتر

images

كەش و هەوای شارەكانی هەرێمی كوردستان

بەڕێوەبەرایەتی كەشناسی و بومەلەرزەزانی هەرێم پێشبینییەكانی كەش و هەوای بۆ ئەمڕۆ و سبەینێی شارەكانی هەرێم …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *