735203_957379607689581_4703073162577455560_n

مامۆستا سەرباز محمد جارێكی دیكە دەزگای ستاندەر بە درۆ دەخاته وه

دوای ئەوەی دەزگای ستاندەر هەواڵێكی بڵاوكردوەتەوە ڕایگەیاندوە ڕۆژی یەكشەممە ۱٥/ ٤/ ۲۰۱٨ دادگای هەولێر لەسەر سكاڵایەكی بەرەی ئیسلامی(یەكگرتوو و بزوتنەوەی ئیسلامی) لەگەڵ دەسەڵات بڕیاریدا بە سزادانى دەزگای ستاندەر بەبڕی یەك ملیۆن دینار، بانگخوازێك ئەو هەواڵە بەدرۆدەخاتەوە رایدەگەیەنێت ئەو سكاڵایە سكاڵای من بووە و بەرەی ئیسلامی هیچ پەیوەندیەكی بەو سكاڵایەوە نیە.

سەرباز محمد حسن بانگخواز لەوەڵامی چەواشەكاریەكانی دەزگای ستاندەرەدا رونكردنەوەیەكی بۆ ئەندام دۆست و لایەنگیرانی هەرسێ (لایەنی ئیسلامی بەتایبەتی و بۆ ڕای گشتی) بەگشتی بڵاوكردوەتەوە رایگەیاندوە بەرەی ئیسلامی هیچ پەیوەندنی بەو سكاڵایە نیە و هیچ پەیوەندی به بزووتنەوە یان بە یەكگرتوو نیە و ئه وان زۆر مەزڵومن لەو تۆمەتانەی ئەو دەزگایە دەیداتە پاڵیان.

ده قى روونكردنەوەكه :

{ يَاأَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ (119)} [التوبة: 119]

{يَاأَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6)} [الحجرات: 6]

روونكردنەوەیەك بۆ ئەندام دۆست و لایەنگیرانی هەرسێ (لایەنی ئیسلامی بەتایبەتی و بۆ ڕای گشتی) بەگشتی .
سەبارەت بە چەواشەكاریەكانی دەزگای ستاندەر .
السلام علیكم ورحمە الله وبركاته .
خوشك وبرایانی خۆشەویستم دەزگای ستاندەر هەواڵێكی بڵاو كردۆتەوە كەتێیدا دەڵی :
(ئەمڕۆ یەكشەممە ۱٥/ ٤/ ۲۰۱٨ دادگای هەولێر لەسەر سكاڵایەكی بەرەی ئیسلامی(یەكگرتوو و بزوتنەوەی ئیسلامی) بە گەلەكۆمەكی لەگەڵ دەسەڵات بڕیاریدا بە غەڕامەكردنی دەزگای ستاندەر بەبڕی یەك ملیۆن دینار.جێگای باسە ئەو زنجیرە سكاڵایەی سەر دەزگای ستاندەر لەلایەن بەرەی ئیسلامی و حزبی دەسەڵات بەهۆی ڕەخنەی بابەتیانە بوو كە لە چوارچێوەی توێژینەوەیەك دەزگاكە لەو ڕیفراندۆمە شكستخواردووەی ۲٥ی ئەیلولی ساڵی ڕابردووی گرتبوو.)
لەسەر ئەو هەواڵە نادروستە دەڵین :
یەكەم : خوای گەورە ئاگادارە بەرەی ئیسلامی هیچ پەیوەندنی بەو سكاڵایە نیەو نە بزووتنەوە و نەیەكگرتوو بەڵكو ئەو سكاڵایە سكاڵای من بوو سوپاس بۆ خوا ئەوڕۆ یەكلا كرایەوەو دەزگای ستاندەر تاوانبارە لەو تۆمەتانەی دابویە پاڵ بەندە.
دووەم : دەزگای ستاندەر كتێبێكی بڵاوكردبوەوە بەناوی ( داعش كێیە و مەشروعیەتی لەكام سەرچاوە وەردەگرێ ) لەم كتێبە بەندەو مامۆستا فاتح شارستێنی و دكتۆر عبدالواحید زۆر داعی و بانگخوازی تر بەسەر چاوەی تیرۆر و فیكری داعش لەقەڵەم درابوون ، هەر ئەوە هۆكاری سەرەكی بو كەسكاڵام لەسەر ئەو دەزگایە تۆمار كرد، دوای ئەوەی ئامادە نەبوون داوای لێبوردن بكەن.
سێیەم : سكاڵاكەی من سكاڵایەكی شەخسی بوو وەكو (سەرباز محمد) سكاڵاكەم تۆمار كردوە هیچ پەیوەندی به بزووتنەوە یان بە یەكگرتوو نیە و بەتایبەت برایانی یەكگرتوو زۆر مەزڵومن لەو تۆمەتانەی ئەو دەزگایە دەیداتە پاڵیان .
چوارەم : دەزگای ستاندەر زۆر زاڵمانە ئەو سكاڵایەی بەستۆتە بە ریفراندۆم بۆ ووروژاندنی هەستی شەقام كە بەداخەوە یاری كردنە بە هەستی ئەو خەڵكە لەبەر ئەوەی ئەو سكاڵایە زۆر دەمێكە و بەر لە ریفراندۆمە .
بۆیە داوا كارم لە تەواوی خوشك برایانم نەكەونە هەڵەو حورمەتی موسڵمان بپارێزن ئەو جۆرە هەواڵە بەرەو گرژی قسەگوتن بەیەكترتان نەبات ، باوەڕ بەو هەواڵە نەكەن هیچ لایەنێكی سیاسی ئیسلامی تاوانبار نەكەن بەتایبەتی برایانی یەكگرتوو كە هیچ پەیوەندیان نە لە نزیك وە نەلە دور بەو سكاڵایە نەبوو .
خوای گەورە ئیمانی هەموو لایەكمان سەلامەت راستگۆیی ڕێگای بەهەشتە هەروەكو درۆ بوختان تاوانێكی گەورەیە و خاوەنەكەی بەرەو دۆزەخ دەبات .

سرباز محمد حسن

ش.ك

بابەتی دواتر

0-bodja-para-drawy-iraq-am

317 ملیارەكەی عێراق گەیشتە هەرێمی كوردستان

بەپێی زانیارییەكان، بەغدا 317 ملیار دیناری رەوانەی هەرێمی كوردستان كردووە و بڕیارە تا هەفتەی داهاتووش …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *