24

تەنیا شارەزایی و ئەزموون بەس نییە!!

مودريك عەلى عارف

زانست، شارەزایی، لێزانین، پشت ئەستووری، زمانپاراوی و دیبلۆماسییەت، تەنانەت ئەزموونی ڕابردوو -ئەگەرچی باش و پێویستن- بەڵام بەس نین بۆ ئەوەی كەسێكی شایستە هەڵبژێری.

چونكە زۆر جار ئەو خەسڵەت و لێهاتووییانە دەبنە بەڵا و دەرد و خۆرەی مافی گەل و نەتەوەیەك، ئاخر زۆر جار بینیوومانە كە كەسانێك بەو خەسڵەت و لێهاتووییانە بوونەتە هۆكاری فرت و فێڵ و گزی و دزی و خیانەت و گەندەڵی و موراوەغە و موناوەرەی ئەمبەر و ئەوبەر كردن و بوون بە زمانحاڵی نەیار و دوژمنەكان، یان دۆڕان لەناو یاری و ململانێكان و خۆبەدەستەوەدان لەپێناو دەستكەوتێكی ماددی، یاخود لەترسی ئاشكرانەبوونی مەلەف و دۆسییە ناشیرین و قێزەونەكانی.

هەموو ئەو خەسڵەتە باشانەی سەرەوە، پێویستیان بە دوو خەسڵەت و بنەمای زۆر گرنگ هەیە، یەكێك دینداری و لەخوا ترسان، دووەم ئەخلاقی بوون و ئەخلاقییانە مامەڵەكردن، كەسێك لە خوا نەترسێت و خەمی دواڕۆژ و لێپرسینەوەی خوایی نەبێت و بڕوای بە ژیانێكی ئەو دیوی مەرگ نەبێت، حەتمەن بێباكە لە لێپرسینەوەی مرۆیی و دونیایی، چونكە دەزانێ‌ زۆر جار دەتوانێ‌ بە شێوەیەك -بە پارە، بە چەواشەكاری، بە خیانەتكردن، بە خۆفرۆشتن، بە زەلیلی نواندن، بە ماستاوكردن بۆ ئەم و ئەو- خۆی دەرباز بكات و لە دەستی لێپرسینەوە و سزای یاسا و گەل ڕزگاری ببێت.

هەروەها كەسێكیش كە قییەم و بەها ئەخلاقییەكان لای گرنگ و بایەخدار نەبن و حورمەتیان نەپارێزێ‌، ئیدی ژیانی خەڵك و فرۆشتنی نیشتیمان و بەكوشتدانی هەزاران كەس بەلایەوە وەك نۆشینی پێكێك شەرابی مەستبوون و خۆدۆڕاندنە بەلایانەوە، ئاساییە بەلایەوە لایەكی نیشتیمانەكەی بدۆڕێنێ‌ بۆ دەستكەوتێكی كەسی و تایبەت یان بۆ شاباش وەرگرتنێك لە دەستی ئەودیو دەستكێشەكان و كوێخاكان.

ئەم وڵاتەی ئێمە لە ئێستادا زیاتر لە هەر كاتێكی دیكە پێویستی بە كەسانێكە كە دیندار و لەخواترس و دەست و دەم و داوێن و زمان پاك بن، تێوەنەگلابن لە دزی و گەندەڵی و داگیركردن و بەهەدەردانی سامانی وڵات و ڕابردوو پاك بن، ئیسلامخواز و ئیسڵاحخوازبن، ڕابردوویان پڕ لە پاكی و جوانی و دڵسۆزی و خەمخۆری بێت بۆ گەل و نیشتیمان و دین و ئایینمان، پێویستی بە كەسانێكە كە ئەخلاقیانە سیاسەت بكەن و ئەخلاق و بەهاكان بگێڕنەوە بۆ ناو كایەی سیاسی و حوكمڕانی، كە گەورەترین دەردی لایەن و كەسە سیاسی و دەسەڵاتدارەكانی ئەم وڵاتەی ئێمە نەبوونی ئەخلاق و سیاسەتكردنی نائەخلاقیانەیە.

پێویستە ئێمەئەمجۆرە كەسە باشانەمان لەبیر بێت، بۆ خۆمان و بۆ ژیانی خۆمان و نەوەكانمان و بۆ گەل و نیشتیمانەكەمان پێویستن، وەك ئاو و هەوا زەرورن بۆمان، پشتیوان و هاوكاریان بین، ئەم مرۆڤە دەگمەن و هەڵبژاردانە هەڵبژێرین و متمانەیان پێ‌ ببەخشین، دڵنیابین كە نە دزیمان لێ‌ دەكەن و نە خیانەت، نە دەمانفرۆشن و نە شەرمەزرا و ڕیسوامان دەكەن، نە شكۆمان دەڕوشێنن و نە كەرامەتمان دەشكێنن، نە دینمان نامۆ دەكەن و نە بێ‌ دینیمان بۆ دەهێنن، نە دەرفەتی بڵاوبوونەوەی بێ‌ دینی و بەدڕەوشتی دەخوڵقێنن.

من ئەم كەسانەم قبوڵە و پشتیوانیانم و شانازی دەكەم كەسانێكی وا هەن كە بە نوێنەری خۆمیان بزانم و دەنگیان پێ‌ بدەم بۆ داكۆكی كردن لە مافەكانی خۆم و گەل و نیشتیمانەكەم.

ژ.ك

بابەتی دواتر

32804963_447050485740185_512926727022837760_n

له ئارشيفى مه ردانه وه .. تۆ ڕاستت کرد باوکە گیان

لەپاش ڕوخانی صدام منیش یەکێک بوم لەو کەسایەتیانەی کە دەعوەت کرابوین بۆ” کۆنگرەی نیشتمانی عێراق” …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *