ce142c9ee130e4e92b4dac38105b0629_L

وەزیری تەندروستی هەرێم؛ کۆمەڵێک پزیشكمان بۆ هەڵەبجە دابین کردووه

لەمیانی سەردانێكیدا بۆپارێزگای هەڵەبجە و كۆبونەوەی لەگەڵ لایەنە پەیوەندی دارەكانی شارەكە وەزیری تەندروستی بریاری دانانی (31) سی و یەك پزیشك بۆپارێزگای هەڵەبجە ڕادەگەیەنێت .

ڕێكەوت حەمەڕەشید، وەزیری تەندروستی حكومەتی هەرێمی كوردستان لە كۆنفرانسێكی هەواڵیدا ڕایگەیاند : مەبەست لە سەردانەكەمان بۆ هەڵەبجە چارەسەر كردنی كێشەی كەمی پزیشكە لەشارەكەدا، پاش كۆبونەوەمان سێ فەرمانمان دەركردوە فەرمانی یەكەم دانانی (دە) پزیشكی موقیمە و فەرمانی دوەم دانانی (11) یانزە پزیشكی پسپۆڕە و فەرمانی سێهەمیش دانانی (دە) پزیشكی پلەبەندە بۆ نەخوشخانەكانی هەڵەبجە واتە نزیكەی 31 پزیشكی گشتی دادەنرێت .

ڕاشیگەیاند : لەماوەی ساڵی ڕابردودا بۆ سنوری سلێمانی و هەڵەبجە نزیكەی (130)پزیشك دامەزراوە لەوانەش بەهۆی قەیرانی داراییەوە ژمارەیەكیان چونەتە دەرەوەی وڵات ئەوەش بزانن هیچ پزیشگێك نەماوە لە كوردستان تەعین نەبوبێت، ژمارەیەكی كەم نەبێت ،ئێمە ئەمانەوێت بەناردنی ئەو ژمارە پزیشكانە كێشەی تەندروستی هەڵەبجە چارەسەر بكرێت .

ئاماژەی بەوەشكرد : ئەوەی پەیوەندی بە نەخۆشخانەی عەنەب و فریاكەوتنەوە هەیە لێژنەیەك دروستكراوە لە پارێزگای هەڵەبجەدا ئێمە بڕیارمانداوە كە بڕیاری لیژنەكە ئەبێت جێبەجێ‌ بكرێت بۆ چارەسەر كردنی كێشەكان .

سەردانەكەی وەزیری تەندورستی بۆ پارێزگای هەڵەبجە لەكاتێكدایە كە ژمارەیەك لە كارمەندانی تەندروستی و چالاكوان و ڕێكخراوەكانی كۆمەڵگەی مەدەنی هەڵەبجە گردبونەوەیان دژی كەم كورتیەكانی كەرتی تەندروستی لە شارەكەدا سازكرد .

بابەتی دواتر

03a86a846b8aeaffafbf7f91ba175bad_L

لەسەر فرۆشتنی گۆشتی گوێدرێژ لەسلێمانی ڕونكردنەوە دەدرێت

سەرۆكی لیژنە هاوبەشەكانی قائیمقامیەت رەدی دەكاتەوە لە شاری سلێمانی گۆشتی گوێدرێژ فرۆشرابێت و رایدەگەیەنێت: دەزگایەكی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *