5675675675

كۆمسیۆن كاتی ئاشكرا كردنی ئەنجامەكانی راگەیاند

کۆمسیۆنی باڵای سەربەخۆی هەڵبژاردنەکانی عێراق ڕایگەیاند، ٤٨ کاتژمێر دوای تەواوبوونی پڕۆسەی دەنگدانی ئەمڕۆ بۆ هەڵبژاردنی پەرلەمانی ئەو وڵاتە، ئەنجامەکان ئاشکرا دەکرێن.

لە لێدوانێکدا بۆ رۆژنامەنوسان عەلی قادر بەرپرسی ئۆفیسی هەولێری کۆمسیۆنی باڵای سەربەخۆی هەڵبژاردنەکانی عێراق ڕایگەیاند،

کاتژمێر ٦ی ئێوارەی ئەمرۆ هەموو بنکەکانی دەنگدان ئۆتۆماتێکی خۆیان دەوەستن.

ئاماژەی بەوەش کرد، ئامێرەکانی دەنگدان زۆر بە باشی کاردەکەن و پڕۆسەکە بە خێرایی دەڕواتە پێش بۆیە ئەگەر لەسەداسەدی هاوڵاتیان بچن بۆ دەنگدان، دەتوانن دەنگ بدەن و هیچ کێشەیەک لە پرۆسەکەدا دروست نابێت.

عەلی قادر ئاشکراشیکرد، ٤٨ کاتژمێر دوای تەواوبوونی هەڵبژاردنی ئەمرۆی پەرلەمانی عێراق ئەنجامی هەڵبژاردنەکە ڕادەگەیەنرێت.

کاتژمێر ٧ی بەرەبەیانی ئەمڕۆ دەرگای بنکەکانی دەنگدان بەڕووی هاوڵاتیانی عێراق و هەرێمی کوردستاندا کرایەوە تا نوێنەری خۆیان هەڵبژێرن بۆ چوار ساڵی داهاتووی پەرلەمانی عێراق.

بەپێی ئامارەکانی کۆمسیۆنی باڵای سەربەخۆی هەڵبژاردنەکانی عێراق لەم هەڵبژاردنەدا، نزیکەی ٢٤ ملیۆن کەس لەسەرتاسەری عێراق مافی دەنگدانیان هەیە، لەو ژمارەیە ٣ ملیۆن و ٣٣٣ هەزاریان دەنگدەری نوێن.

لە هەرێمی کوردستانیش، سێ ملیۆن و ١٤٤ هەزار و ٧٣٠ کەس مافی دەنگدانیان هەیە و لەو ژمارەیەش نزیکەى ٤٠٠ هەزار کەسیان  بۆ یەکەم جار دەتوانن دەنگبدەن.

ب.هـ

بابەتی دواتر

NB-147209-635787888062177972

ده‌ستگیر كردنی گروپێكی كونكردنى بۆریی نەوت راگه‌یه ندرا

ئه‌نجومه‌نی ئاسایش ده‌ستگیر كردنی گروپێكی به‌قاچاخبردنی نه‌وتی راگه‌یاند، جارێكی تر و لە قەزایه‌كی پارێزگای دهۆك …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *