6201069042_aa8383fcbf

لەسەر بەرزكردنەوەی نرخی شمەك و كاڵاكان لەمانگی ڕامەزاندا، هۆشداری دەدرێت

قائیمقامیەتی سلێمانی ئامادەكارییەكانی بۆ مانگی پیرۆزی ڕەمەزان ڕاگەیاندو هۆشداری توندیشی دایە ئەو كەسانەی لەڕەمەزاندا نرخی شمەك و كاڵاكان بەرز دەكەنەوە.

 

ئەمڕۆ دووشەممە 14ی ئایاری 2018، ئاوات محەمەد قائیمقامیەتی سلێمانی لەكۆنفرانسێكی ڕۆژنامەوانیدا ڕایگەیاند: ئامادەكارییەكان بەمەبەستی پێشوازیكردن لە مانگی پیرۆزی ڕەمەزان كراوەو ڕێكەتن كراوە لەگەڵ بەڕێوبەرایەتی گشتی كارەبای سلێمانی و مۆلیدە ئەهلیەكان بەمەبەستی پێدانی كارەبا لەكاتی بەربانگ كردنەوە و پارشێو ئەو كاتانەی دیكە كە هاوڵاتیان پێویستیانە بۆ جێبەجێكردنی ئەركە ئاینیەكانیان.

 

سەبارەت بە دابەشكردنی ئاوی ماڵان لە مانگی پیرۆزی ڕەمەزاندا، ئاوات محەمەد ووتی: بەهۆی زۆری بارانبارینەوە كێشەی كەمی ئاومان نابێت لە سنوری پارێزگای سلێمانیدا و بە شێوەیەكی یەكسان دابەش دەكرێت.

 

هەروەها لەسەر پرسی بەرزبونەوەی نرخی شمەك و كاڵاكان لە مانگی ڕەمەزاندا، ئەوەی خستەڕوو: چاودێری بازرگانی و لایەنە پەیوەندیدارەكان ڕێوشێوێنی پێویست دەگرنەبەر بەمەبەستی بەرز نەبونەوەی نرخ و دابینكردنی خۆراكی سەلامەت بۆ هاوڵاتیان و هەر كەس و لایەنێك ئەو مانگە بقۆزێتەوە بۆ بەرزكردنەوەی نرخ رێوشوێنی پێویستی لەگەڵ دەگیرێتەبەر.

 

ب.هـ

بابەتی دواتر

2291

سێ هاووڵاتی بەهۆی كێشەی كۆمەڵایەتییەوە بوونە قوربانی

بەڕێوەبەرایەتی پۆلیسی ڕاپەرین ڕای گەیاند، بەیانی ئەمڕۆ دووشەم سێ‌ كەس بەهۆی كێشەیەكی كۆمەڵایەتی بوونەتە قوربانی.لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *