289689Image1

گۆڕانکاری لە جینەکان بۆ چارەسەری شێرپەنجەکانی خوێن بەکاردێت

چارەسەرێکی جینی کە خانەکانی خوێنی تووشبووانی شێرپەنجە دەگۆڕێت بە خانەی شەڕکەر لە دژی خانە شێرپەنجەییەکان لەژێر تاقیکردنەوەدایە و تاکو ئێستا ئەنجامێکی سەرسوڕهێنەری بەدەستهێناوە لە چارەسەری نیوەی تووشبووانی نەخۆشییەکە و هیچ نیشانەیەکیان نەماوە.

کۆمپانیای کایت فارما لە کالیفۆڕنیا یەکەم کۆمپانیای هاوشێوەیە کە داوای پەسەندکردنی دەرمانەکەی لە دەزگای خۆراک و دەرمانی ئەمریکی دەکات بۆ چارەسەری تووشبووانی شێرپەنجەی خوێن بە جینەکانی کەسەکە خۆی.

کۆمپانیای خاوەنی چارەسەر نوێیەکە دەڵێت لە چارەسەرە نوێیەکەدا خانەکانی خوێنی کەسەکە هەمووی فلتەر دەکەن و خانەکانی سیستمی بەرگری جۆری T لە خوێنی کەسەکە دەردەکەن، دواتر لە تاقیگەدا گۆڕانکاریان بەسەردا دێنن، بە جۆرێك کە جینێکیان تێدابێت، بتوانێت دژی شێرپەنجە شەڕ بکات، پاشتریش دەیخەنەوە نێو خوێنی کەسەکە و بەمەش شەڕ لەگەڵ خانە شێرپەنجەییەکان دەکەن.

د. رۆی هێربێست، پزیشكی شێرپەنجە تایبەت بە چارەسەر نوێیەکە دەڵێت بەڕاستی ئەنجامەکان نائاسایی و سەرسوڕهێنەرن، بەجۆرێک 36%ی نەخۆشەکان کە لە توێژینەوەکە چارەسەریان وەرگرتووە، هیچ نیشانەیەکیان نەماوە لەدوای شەش مانگی چارەسەر.

بابەتی دواتر

pic-160076-1513240036

بەوێنە..منداڵێك لەكاتی لەدایكبوونی دڵی لە دەرەوەی جەستەیدایە

منداڵێكی بەریتانی لە رووداوێكی دەگمەندا لەكاتی لەدایكبوونیدا دڵی لە دەرەوەی جەستەیدا بووە. ئاژانسی “مەشرق” بڵاویكردەوە، …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *