32452593_1638044449649998_697890511532326912_n

راگەیانراوی كۆبوونەوەی هاوبەشی 6 لایەنی سیاسی كوردستان لە بارەی هەڵوێست و ئەنجامە بەراییەكانی هەڵبژاردنەكان

راگەیانراوی كۆبوونەوەی هاوبەشی 6 لایەنی سیاسی كوردستان
ئەمرۆ دووشەممە 14/5/2018 (6) لایەنی سیاسی كوردستانی لەسەر ئاستی كەسی یەكەم لە بارەگای یەكگرتووی ئیسلامی كوردستان لە شاری هەولێر كۆبوونەوەیەكی هاوبەشیان ئەنجام دا بەمەبەستی هەڵسەنگاندن و هەڵوێست وەرگرتن لە بارەی ئەنجامە بەراییەكانی هەڵبژاردنەكانی ئەنجومەنی نوێنەرانی عێراق كە لە ( 12/5 ) دا ئەنجام درا.

بە داخەوە پرۆسەی دەنگدانی ئەلیكترۆنیەكە رووبەرووی دەستێوەردان و ساختەكاریەكی بەرنامە بۆ دارێژراوی پێش وەختە بۆتەوە، دوای تاوتوێكردنی پرۆسەكە كۆبوونەوە گەیشتە ئەم چەند بڕیارەی خوارەوە :

1. رەتكردنەوەی ئەنجامە بەراییەكان و كۆی پرۆسەكە بە هۆی زەوتكردنی ئیرادەی جەماوەری كوردستان و دزینی دەنگەكانیان .
2. داوای دووبارەكردنەوەی ئەو هەڵبژاردنە دەكەینەوە لە هەرێمی كوردستان و پارێزگای كەركوك و ناوچە دابڕێنراوەكان لە ژێر چاودێری نێودەوڵەتی بەزووترین كات .
3. ئامانجی راستەقینەی لایەنەكانی بەشدار لە كۆبوونەوەكە بریتی یە لە بەرگریكردن و گەڕانەوەی استحقاقی راستەقینەی دەنگدەرانی گەلەكەمان .
4. بۆ ئەم مەبەستەی سەرەوە هەموو رێكارە سیاسی و یاسایی و مەدەنیەكان دەگرینە بەر دوور لە هەموو جۆرە توند و تیژیەك .
5. پێكهێنانی لێژنەیەكی هاوبەش لە هەماهەنگی نێوان ئەم (6) لایەنە بۆ بەدواداچوون و گێرانەوەی دەنگە دزراوەكانی جەماوەر و دەرگاش كراوەیە لەبەردەم هەر لایەنێكی تری سیاسی كە ئامادەبێت بەرگری لە مافی دەنگدەرانی گەلەكەمان بكات .
6. داوا لە كۆمسیۆنی باڵای سەربەخۆی هەڵبژاردنەكانی عێراق دەكەین بە خێرایی بەدەم داوا كاریەكانمانەوە بێت ..

بزوتنەوەی گۆڕان
یەكگرتووی ئیسلامی كوردستان
هاوپەیمانی دیموكراسی و دادپەروەری
كۆمەڵی ئیسلامی كوردستان
بزوتنەوەی ئیسلامی كوردستان
حزبی شیوعی كوردستان

 

ش.ك

بابەتی دواتر

2291

سێ هاووڵاتی بەهۆی كێشەی كۆمەڵایەتییەوە بوونە قوربانی

بەڕێوەبەرایەتی پۆلیسی ڕاپەرین ڕای گەیاند، بەیانی ئەمڕۆ دووشەم سێ‌ كەس بەهۆی كێشەیەكی كۆمەڵایەتی بوونەتە قوربانی.لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *