444

پێدانی كاره‌با له‌ مانگی ڕه‌مه‌زان گۆڕانكاری به‌سه‌ردادێت

بەڕێوەبەری کارەبای هەرێم ڕایگەیاند، ئەگەر لە مانگى ڕەمەزاندا پلەکانى گەرما بەرزتر نەبێتەوە و لۆد لەسەر وێستگەکان دروستنەبێت پلانمان هەیە لە ڕەمەزاندا ڕۆژانە ١٥ کاتژمێر کارەبا بدەینە هاوڵاتیان.

 ئومێد محەمەد بەڕێوەبەری دابەشکردنی کارەبای هەرێم ڕایگەیاند، لەگەڵ ئەنجومەنى وەزیران لە هەوڵدان بۆ دابینکردنی پارەی سوتەمەنى و ئیشپێکردنی چەند یەکەیەکی تر لە وێستگەکانى بەرهەمهێنانی کارەبای هەرێم، بۆئەوەى بتوانن کاتژمێرەکانى پێدانى کارەبا وەک خۆی بمێنێتەوە.

ئومێد محەمەد ڕاشیگەیاند، کاتژمێرەکانى پێدانى کارەبا بەندە بە زیادبوونى خواستى هاوڵاتیان لەسەر کارەبا و ئەگەر پلەکانى گەرما زۆر بەرزببنەوە ئەوان کاتژمێرەکانى کارەباش کەمدەکات.

ئەوەشی وت، ئەوان پلانیان داناوە کاتژمێرەکانى پێدانى کارەبا لە مانگى ڕەمەزاندا لە ١٤ کاتژمێر کەمتر نەبێت و ئەوەی تریش موەلیدە ئەهلییەکان کارەبا بدەن.

ئەمەش لەکاتێکدایە ساڵانە لە سەرەتای وەرزی هاویندا کاتژمێرەکانی پێدانى کارەبا زۆر کەم دەبێـتەوە و بەرپرسانى کارەباش دەڵێن، بەهۆی زیادبوونى خواستى هاوڵاتیان و نەبوونى سوتەمەنى بۆ ئیشپێکردنى سەرجەم وێستگەکان ئەم کێشەیە دروستدەبێت.

بابەتی دواتر

0-bodja-para-drawy-iraq-am

317 ملیارەكەی عێراق گەیشتە هەرێمی كوردستان

بەپێی زانیارییەكان، بەغدا 317 ملیار دیناری رەوانەی هەرێمی كوردستان كردووە و بڕیارە تا هەفتەی داهاتووش …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *