7e3da100cd88eba3afd7299beac99459_L

زانیاریی نوێ لەبارەی ڕاگرتنی كەناڵە ناوخۆییەكان بڵاو دەکرێتەوە

بەڕێوەبەری گشتیی راگەیاندن و چاپ و بڵاوكردنەوە لە وەزارەتی رۆشنبیری و لاوانی حکوومەتی هەرێمی کوردستان، رای دەگەیەنێت ڕێگە بە كۆمپانیای‌ “میكس میدیا” دراوە پەخشی كەناڵە ناوخۆییەكان لە سەنتەری شارەكان رابگرێت.

 

محەمەد گەردی، بەڕێوەبەری گشتیی راگەیاندن و چاپ و بڵاوكردنەوە لە وەزارەتی رۆشنبیری و لاوان به‌باسی راگەیاند كۆمپانیاكە نرخی ئامێری وەرگری لە 95 هەزار دینارەوە بۆ 39 هەزار دینار كەم كردووەتەوە.

 

گوتیشی: “دوای‌ كەمكردنەوەی‌ نرخی‌ ئامێرەكە، كۆمپانیاكە ڕێگەی‌ پێدراوە لە سەنتەری‌ شارەكانی‌ هەولێر و سلێمانی‌ بە سیستمی‌ نوێی‌ پەخش كار بكات، دەرەوەی شارەكانیش بە هەمان سیستمی پێشووتر كار دەكەن”.

 

ئاماژەی بۆ ئەوەش کرد كە پرۆسەكە لە 19ی مانگەوە دەستی پێكردووە و ماوەی 20 رۆژ دەخایەنێت و  ئێستاش نزیكەی بیست كەناڵ لە هەولێر راگیراون”.

ساڵی‌ ڕابردوو وەزارەتی داد، رۆشنبیری و ئەنجومەنی پارێزگا، بەهۆی گرانی نرخی ئامێری وەرگر و قەیرانی داراییەوە،  بڕیاری ڕاگرتنی سیستمی‌ نوێی‌ DVBT2 لە ناوەندی شاردا ڕاگەیاند.

 

ب.هـ

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *