thumbs_b_c_171541f11d9e337bbf1e15a773e20001

ئەردۆغان پیرۆزبایی لە موقتەدا سەدر دەكات
سەرۆك كۆماری توركیا بەبۆنەی سەركەوتنی لە هەڵبژاردنەكانی عێراق پەیوەندییەكی تەلەفۆنی لەگەڵ سەركردەی رەوتی سەدر و سەرۆكی هاوپەیمانی سائیرون ئەنجامدا.

ئاژانسی ئانادۆڵ بڵاویكردەوە، رەجەب تەیب ئەردۆغان سەرۆك كۆماری توركیا لە پەیوەندییەكی تەلەفۆنیدا كە ئێوارەی دوێنێ هەینی لەگەڵ موقتەدا سەدر ئەنجامیداوە، هیوای خواستووە ئەنجامی ئەو هەڵبژاردنەی لە پاش سەركەوتن بەسەر داعش و لە 12ی ئایاردا لە عێراق ئەنجامدرا، ببێتە مایەی خێر بۆ هەموو عێراقییەكان.

ئەردۆغان ئاماژەی بۆ ئەوەش كردووە كە توركیا گرنگی زۆر دەدات بە یەكێتی‌و پێكەوەیی عێراق‌و هیوای سەركەوتنی بۆ موقتەدا سەدر خواستووە لە پێكهێنانی حكوومەتدا.

لە پەیوەندییە تەلەفۆنییەكەی سەرۆك كۆماری توركیا و سەرۆكی رەوتی سەدر باسی لەوە كردووە كە توركمانەكانی عێراق باس لەوە دەكەن لە هەڵبژاردنەكەدا لە شاری كەركووك هەندێك ساختەكاری كراوەو ستەمیان لێكراوە، داوات لێدەكەم پشتیوانی پێویست پێشكەش بكەیت بۆ دۆزینەوەو چاككردنی ئەو ساختەكاریانە.

لای خۆشییەوە موقتەدا سەدر وێراِی سوپاس و پێزانینی ئاشكرایكردووە، مافی هەموو پێكهاتەكان بە توركمانەكانیشەوە دەپارێزن.

 

ب.هـ

بابەتی دواتر

NB-147209-635787888062177972

ده‌ستگیر كردنی گروپێكی كونكردنى بۆریی نەوت راگه‌یه ندرا

ئه‌نجومه‌نی ئاسایش ده‌ستگیر كردنی گروپێكی به‌قاچاخبردنی نه‌وتی راگه‌یاند، جارێكی تر و لە قەزایه‌كی پارێزگای دهۆك …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *