1016778_486779041403625_1221301673_n

ئێوە شەیتانێکتان دیوە تائێستا !؟

ئێوە شەیتانێکتان دیوە تائێستا !؟

ن.شۆرش کەمال

ئێوە شەیتانێکتان دیوە تائێستا توانیبێتى گاڵتەو سوکایەتى بە پیرۆزیەکانبکات..وێرابێتى خۆى بۆ ڕاگەیاندن و خەڵکى دەربخات، توانیبێتى بۆ سوکایەتى دەست و قاچ لە قورئانێک نزیکبکات، باس لە بون و نەبونى خوابکات.. یان گاڵتە بە پێغەمبەرو ساڵحانبکات.. یان تەحەداى مردن و زیندوبونەوەو رۆح بکات.. ئێوە شەیتانیکتان دیوە جگە لە ئادەمیزادەکان زیاتر شەیتانیبکه ن..
ئەو ئادەمیزادانەى ئارەزوى دونیاو پلەو پۆست و دەستکەوت بوون هەر ئەوان بوون بە لەشکرى شەیتان .. بۆ ماڵ وسامان یا پارویەک نان هەموو حەزو ئارەزوەکانى شەیتانیان قبوڵکرد، نیوەى مرۆڤیان بێدین و کافرکرد..نیوەکەى تریان تیرۆرکرد.. لەپێشچاوی هەمودونیا خەڵتانى خوێنیاندەکەن..
ئەوەى ئێستا دەیبینین لەزەوى جڵەوى دەستەڵاتداریى و جاهیلى شەیتانە.. قەڵەمڕەوی نەوەکانى شەیتانە.. هەر هابیل نەکوژراوە، هەر دڵی ئادەم و حەوا هەڵنەقرچێنراوە، ئێستا هەمو رۆژێک سەدان هابیل لە عێراق و سوریا و میانمار و فەلەستین بە بەدەستى قابیلەکان کۆمەڵ دەکوژرێن.. لەسەرماڵی خۆیان ئاوارەو دەربەدەردەکرێن، هەزاران منداڵ بێ باوک و دایک دەکرێن، هەزاران ژنەو ئەتکدەکرێن، هەرماڵەو وێران دەکرێ، هەر شارەو چۆڵدەکرێ.

کێ دیویەتى تا ئێستا رۆژێک شەیتان بەجوتێک شاخ و کلکێکەوە لە کەناڵێک دەرکەوێ، یان کۆنگرەى رۆژنامەنوسی ببەستێ، یان لایڤ و پۆستێکى لە تۆڕێکى کۆمەڵایەتى هەبێ.. ئەوە بریکارەکانى شەیتانن دونیا بەڕێوەدەبن، ئەمڕۆ هێزى ئابوریان بەدەستە، زەبرو شەق و تێهەڵدانى دونیادەکەن، بە هێزى ئاسمانى و زەمینى و وشکانى دەیان جەبهە لە رۆژهەڵات و رۆژئاوای زەوى لەدژی مرۆڤ و قڕکردنى ئەنجام دەدەن، ئەو هموو بریکارە شەیتانەیان ڕاگرتوە تا بەرژەوەندیەکانیان بۆ بپارێزن قومارخانەو باڕو مەیخانەو سۆزانى خانەو ڕەگەزبازیخانە و بانکی سودویان بۆ بپارێزن.. بۆئەوەى دونیاى ئەوان بپارێزن ئیتر دەبێ دونیای مرۆڤبون بەیەکجار بکوژن.

 

ش.ك

بابەتی دواتر

43828097_333644830741913_3554331152519004160_n

راگه‌یانراوو به‌یاننامه‌ تاتييه تیەكان و سه‌رنجێكی سه‌رپێیانه‌

راگه‌یانراوه و به‌یاننامه‌ تاتييه تیەكان و سه‌رنجێكی سه‌رپێیانه‌ ن. عه لی حاجی زەلمی به ئاشكرا شه‌رمی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *