Doc-P-118205-636410816014955606

700 ملیۆن دیناری پێویستە و خەڵك خۆی باره ى بۆ كۆده كاته وه

ئەندامێكی ئەنجومەنی پارێزگای كەركوك ئاماژە بۆ ئەوە دەكات، خەڵك ئەوان خۆیان پردە تەقێنراوەكە نۆژەن دەكەنەوە كە 700 ملیۆن دیناری پێویستە

ئازاد جەباری سەرۆكی لیژنەی ئەمنی لەئەنجومەنی پارێزگای كەركوك، بەدەنگی ئەمەریكای ڕاگەیاند، حەیدەر عەبادی فەرمانی كردووە بە كردنەوەی ڕێگەی پردێی نێوان كەركوك‌و هەولێر، بەڵام پردو ڕێگاكان پێویستیان بە نۆژەنكردنەوەیە، بۆیە تائێستا نەكراوەتەوە.

ناوبراو وتیشی، خەڵك خۆی داوایكردووە ڕێگاكە بكرێتەوە، ئەوان خۆیان پردە تەقێنراوەكە نۆژەن دەكەنەوە كە 700 ملیۆن دیناری پێویستە. لای خۆشییەوە عەبدولموتەلیب نەجمەدین بەرێوەبەری ناحیەی پردێ ڕاگەیاند، لەنوسراوەكەی عەبادیدا كە تایبەتە بەكردنەوەی ڕێگەی نێوان كەركوك‌و هەولێر، ئاماژە بۆ ئەوە كراوە ڕێگاكە بەپێی ڕێنماییەكان‌و بەلەبەرچاو گرتنی دۆخی ئەمنی بكرێتەوە.

وتیشی، پۆلیسی فیدراڵی سەرقاڵی دانانی بەرنامەی ئەمنین بۆ كردنەوەی ڕێگاكە‌و ڕێگاوبانی كەركوكیش كەشفیان بۆ چاككردنەوەی ڕێگاكە كردووە، بەڵام تائێستا هەنگاویان بۆ نۆژەنكردنەوەی نەناوە.

ڕێگەی نێوان كەركوك_هەولێر، بەهۆی ڕووداوەكانی 16 ی ئۆكتۆبەری ساڵی ڕابردوو و شەڕی نێوان پێشمەرگەو هێزە ‌عێراقیەكانەوە تێكچووە‌و چەند پردێك تەقێنراوەتەوەو ڕێگەكەش پێویستی بە نۆژەنكردنەوە هەیە.

بابەتی دواتر

AL_NAJAF_AL_ASHRAF_INT.AIRPORT_-_panoramio

شەفەق نیوز بڵاویكردەوە، كۆمپانیای فڕۆكەوانی پادشای ئەردەنی لە بڕیارێكدا بەهۆی پەرەسەندنی خۆپیشاندانەكانی باشووری عێراق و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *