23319209_1569297613129664_1182722898094387252_n

هونەری كاری سیاسی

هونەری كاری سیاسی
ئامادەكردتی : ناصح مجید
بەشی یەكەم:
پێناسەی هونەری سیاسەت: هەندێ وا پێناسەی بۆ ئەكەن ،كە سیاسەت هونەرێكی هەبووە و واتا هەڵسان بەكارێكی دیاری كراو لەكات و ساتێكی دیاری كرداودا ، بۆ بەجێگەیاندنی ئامانجێك بۆ خەڵكی بەگشتی یان بۆ هەندێكیان. هەندێكی تر ئەڵێن:- سیاسەت هونەرێكی هەبووی ڕێگا پێدراوەو بەبێ چەندو چوون ، وە لەوانەشە هەندی كاری تێدا ئەنجام بدرێت ،كە حەرام بن وەك كوشتن – گزی كردن – بەرتیل دان – واتا ئەتوانین پێی بڵێین : كە كردارێكە بەبێ پێوەند بوون بەڕەوشتەوە بۆ گەیشتن بە ئامانجێك ،ئەمەش بەڕوونی لە كۆمەڵگەی عەلەمانیەكاندا دەردەكەوێت ، بەهەردوو لایەنەكەیەوە ڕاست ڕەو یان چەپ ڕەو ،ئەمەش وای كردوو كە كاریگەریەتی لەسەر دەرونی هەندێ لەموسڵمانان دروست كردبێت بۆیە پێی ئەڵێن ( سیاسەت كردن كردارێكی گڵاوە)،ئەمەش وای لە ڕۆشنبیران و مامۆستایان و زانایان كردووە ،كە دەست لەكاری سیاسی هەڵبگرن و گۆڕەپانەكە بەجێ بهێڵن بۆ ئەو كەسانەی كە خاوەن ڕەوشت نین و فەساد و بەد ڕەوشتی بڵاو دەكەنەوە لەوڵاتدا و ، سەر لە بەندەكانی خوای گەورە دەشێوێنن و وڵات وێران دەكەن. هەندێ لە زانایان ئەڵین كە سیاسەت دڵ ڕەق دەكات و تەقوا لەدڵدا كەم دەكاتەوەو وە بانگەواز ڕادەگرێت .(نازانم كام بانگەواز). هەندێ تر پێناسەی كاری سیاسی دەكەن ، بەوەی كە سیاسەت بریتیە لەهەڵسان بەوكارەی كە پێی گونجاوە.ئەم پێناسەیە وا لەكاری سیاسی دەكات : كە گەورەتر بێت لە ئەنجام دانی كاری دەوڵەت داری و بەجێگەیاندنی خۆش گوزەرانی بۆ كۆمەڵانی خەڵك . هەروەها ئەتوانیین پێناسەی سیاسەت بكەین بەوەی كە بریتی بێت :- لە تێكڕای وزەو توانای ژمارەیەكی زۆر لە خەڵكی لە كاتێكی دیاری كراودا و لەوڵاتێكی دیاری كراودا بۆ پایەدار كردنی ژیانی مرۆڤایەتی ،بەو شێوەیەی كە نزیك بێت لە چاك كردن و لەسەر ڕاستی بوون ، یان بە جێگەیاندنی بەرزترین پلەی سەركەوتن بەكەمترین هەوڵ لەهەموو بوارەكاندا ،كە ببێتە هۆی بەرز كردنەوەی بەهای مرۆڤایەتی لە واقیعێكی سیاسی دا.

 

ش.ك

بابەتی دواتر

1016778_486779041403625_1221301673_n

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک ن. شۆرش کەمال پەیامى کۆنگرەى میانەڕوى سەرکردە سەللاحەدینى …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *