23620181028600_bnfy22oy

بەڕێوەبەرایەتی گەشتوگوزاری سلێمانی ئاماری هاتنی گەشتیارانی لە رۆژانی پشووی جەژنی رەمەزاندا بۆ پارێزگای سلێمانی بڵاوکردەوە.

عەلی رەئوف، بەڕێوەبەری گشتی گەشتوگوزاری سلێمانی لە کۆنگرەیەکی رۆژنامەوانیدا رایگەیاند، “کۆی گشتی ئەو گەشتیارانەی لە 12ی ئەم مانگەوە تا 21 مانگ روویان لە پارێزگای سلێمانی کردووە، 139 هەزار و 721 گەشتیار بووە”.

ئاماژەی بەوەش کرد، ئەو ژمارەیە بەراورد بە جەژنی رەمەزانی ساڵی 2017 لەسەدا 40 زیادی کردووە  کە 96 هەزار و 936 هەزار کەس هاتبوونە پارێزگای سلێمانی.

ئەوەشی خستەڕوو، لەسەدا 85ی ئەو گەشتیارانە لە ناوەڕاست و خواروی عیراقەوە هاتوونەتە پارێزگای سلێمانی.

بەڕێوەبەری گشتی گەشتوگوزاری سلێمانی ئاشکراشی کرد، لە رۆژانی پشووی جەژنی رەمەزانی ئەمساڵدا حه‌وت هەزار گەشتیاری ئێرانی روویان لە پارێزگای سلێمانی کردووە و بەراورد بە جەژنەکانی پێشوو بە شێوەیەکی بەرچاو کەمیکردووە، هۆکارەکەشی بۆ زیادکردنی رسومات لەسەر گەشتیاران لەلایەن حکومەتی ئێرانەوە گەڕاندەوە.

 

ب.هـ

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *