1016778_486779041403625_1221301673_n

کەپرو مەرکانە.. جەنابی فەخامەتى عالی مەقام؟!

کەپرو مەرکانە.. جەنابی فەخامەتى عالی مەقام؟!
شۆڕش کەمال
جەنابی فەخامەتى عالی مەقام وەزیری دارایی و ماڵيات، لەتازەترین ڕێنمای شەکرى سەرزارى بێدەنگى شکاندو بڕیارگەلێکی بۆ بەرژەوەندی ڕەعیەتەکانى دەرکرد؟!.. جەناب لەسەردانی ئیدارەی سلێمانى و پارێزگای بەچەسپ لەحیمکراوى بە هەولێرەوە هەنگوینیان لەزار هاتەدەر و فەرمویان: دەبێ ئاسانکارى بۆ وەرگرتنی موچەی تەقاعودو پەککەوتەکان بکرێت و رێز لە پێداویستى خاوەن پێداویستیەکان بنرێت.. ئەوەش بە دروستکردنى کەپر لە بەردەم بانکەکان؟! تا گەرمایان نەبێت و سەغڵەت نەبن لە چاوەڕێکردن بۆ وەرگرتنى موچەکانیان.. هەروەها فەرمویان: دەبێبەفراو و مەرکانەو جامۆڵکە بۆ ئاوخواردن و خۆفێنککردنەوە لەسەر شەقامەکە لەبەردەم بانکەکان دابنرێت؟! وتیشیان چۆن دەبێ بەبێ ئەو خزمەتگوزاریانە خەڵک لەو گەرمایەدا چاوەڕێی مەعاش بکات و پاڵپاڵێنبکات بەبێ خزمەتگوزاری کەپرو مەرکانە.
بەڵام عالی مەقام بیری چوو هۆکارێک بۆ کەمکردنەوەی پاڵپاڵێن و چونە ژورەوە دیاریبکات پێم وایە دەبوو جەنابیان ئەزمونى لە بەنزینخانەکان وەرگرتایە و پسوڵەی سەرەى تاک و جوتى دانایە تا ئیزدیحام و بەریەک کەوتن ڕونەدات.
ئاخر جەنابی فەخامەتى پایەبەرز ئێوە بەمە دەڵێن خزمەتکردن و ئاسانکارى بۆ وەرگرتنى موچە یان گاڵتەجاڕی بەعەقڵی ئەو خەڵکە بەڕێزە کە بەقەد هەموو تەمەنى ئێوە بەس خاڵ و خزمەتى وەزیفی هەیە.. وامانزانى جەناب عالیتان کە تەشریفتان هێناوە بۆ سلێمانى کێشەى موچەی خەڵکتان بەم ڕێنماییانە چارەسەرکردوە..تا ڕێنماییەکانم نەخوێندەوە تێنەگەیشتم چ باسە؟!قوربان ئەمەى تۆباسی دەکەى عەیبنەبێ لە ڕوتان تورێک ناهێنێ ئەمە فریاگوزارى سەدەکانى ناوەڕاستە نەوەک ڕێنمایی بۆ ساڵی دوهەزارو هەژدەى موچەخۆران.

بابەتی دواتر

hedy

كوردو پاشكۆیەتی بێهودە

هێدی هەولێری دوای ئەوەی لەكۆتاییەكانی ئەمساڵ و سەر لەئێوارەی 19-12-2018 دۆناڵد تڕەمپ وەك سەرۆكی ئەمریكا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *