9da57eeeaa33061e803e2e806ee759b0_L

“پۆستی سەرۆكی هەرێم زیادەیە و ڕێككەوتنی ستراتیژی یەكێتی و پارتی هێناویەتە كایەوە”

ئەمرۆ رۆژی چوارشەممە 11/7/2018 دوای پەسەندكردنی پرۆژەیاسای هەڵپەساردنی دامەزراوەی سەرۆكایەتی هەرێم فراكسیۆنی یەكگرتوو لە كۆنگرەیەكی رۆژنامەوانیدا هەڵوێستی فەرمی خۆی لە بارەی دامەزراوەی سەرۆكایەتی هەرێمی كوردستان راگەیاند و ئاماژەی بەوەدا پرۆژەیاساكە كێشەی سەرۆكایەتی هەرێم بۆ داهاتوو دوا دەخات چارەسەری پێ نییە و فراكسیۆنی یەكگرتوو دژیەتی .
بەهزاد زێباری سەرۆكی فراكسیۆنی یەكگرتوو لەكۆنگرە رۆژنامەنوسیەكەدا وتی” لە ئێستادا دوو پرۆژە یاسا لە پەرلەمانی كوردستانە كە یەكێكیان لە لایەن فراكسیۆنی گۆڕان و ئەوەی دیكە لە لایەن فراكسیۆنی پارتی ئامادەكراوە، بەڵام بە بۆچوونی فراكسیۆنی یەكگرتوو هەردوو پڕۆژەكە خزمەت بە كوردستان ناكات و بەڵكو هەردووكیان كێشەی سەرۆكایەتی هەرێم بۆ داهاتوو دوا دەخات چارەسەری پێ نییە و فراكسیۆنی یەكگرتوو دژیەتی”
سەرۆكی فراكسیۆنی یەكگرتوو ،راشیگەیاند” فراكسیۆنی یەكگرتوو پێی وایە دامەزراوەی سەرۆكایەتی هەرێم هەڵوەشێتەوە و نەمێنێت باشترە و لە داهاتووشدا پرۆژە یاسا بۆ ئەو بابەتە پێشكەش دەكەن.”
لەلای خۆشیەوە ئەبوبەكر هەڵەدنی پەرلەمانتاری یەكگرتووش وتی” ئەو پۆستە زیادەیە و زەرورەتی مێژوویی نەیخولقاندووە و دوو ئیدارەیی و لێكەوتەكانی شەری ناوخۆ و ڕێككەوتنی ستراتیژی یەكێتی و پارتی بۆ دابەشكردنی پۆست و پارە هێناویەتییە كایەوە”

بابەتی دواتر

AL_NAJAF_AL_ASHRAF_INT.AIRPORT_-_panoramio

شەفەق نیوز بڵاویكردەوە، كۆمپانیای فڕۆكەوانی پادشای ئەردەنی لە بڕیارێكدا بەهۆی پەرەسەندنی خۆپیشاندانەكانی باشووری عێراق و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *