1029816529

ئه‌ردۆغان به‌ فه‌رمانێك ئه‌نجومه‌نی‌ شورای باڵای سه‌ربازیی توركیای‌ رێكخسته‌وه‌

سه‌رۆكی‌ توركیا به‌ فه‌رمانێك ئه‌نجومه‌نی‌ شورای باڵای سه‌ربازیی توركیای‌ رێكخسته‌وه‌ و زاواكه‌ی‌ كرد ئه‌ندامی‌ ئه‌نجومه‌مه‌نه‌كه‌.
میدیاكانی‌ توركیا بڵاویان كرده‌وه‌ كه‌ ره‌جه‌ب ته‌یب ئه‌ردۆغان سه‌رۆكی‌ توركیا بڕیارنامه‌ی ژماره‌ حه‌وتی سه‌رۆكایه‌تی كۆماری‌ توركیای‌ راگه‌یاند و له‌ رۆژنامه‌ی‌ فه‌رمیدا بڵاوكرایه‌وه‌.

به‌پێی بڕیارنامه‌كه‌ی سه‌رۆكایه‌تیی كۆمار، سه‌رۆكایه‌تیی ئه‌ركانی سوپا به‌ وه‌زاره‌تی به‌رگریی ده‌به‌سترێته‌وه‌.
ئه‌ردۆغان، فوئاد ئۆكتای‌ جێگری سه‌رۆك كۆمار، برات ئه‌لبیرك وه‌زیری گه‌نجینه‌ و دارایی كه‌ زاوایه‌تی‌ و زیا سالجوك وه‌زیری په‌روه‌رده‌ی‌ كرده‌ ئه‌ندامی شورای باڵای سه‌ربازیی.

به‌پێی بڕیارنامه‌كه‌ی سه‌رۆكایه‌تیی كۆمار، سه‌رۆكایه‌تی به‌ڕێوه‌بردنی ئافات و دۆخی له‌ناكاو له‌ وه‌زاره‌تی ناوخۆ داده‌مه‌زرێت.
هاوكات ئاژانسی هه‌ماهه‌نگی توركی TİKA و سه‌رۆكایه‌تی توركه‌كانی ده‌ره‌وه‌ و كۆمه‌ڵگه‌ نزیكه‌كان، به‌ وه‌زاره‌تی كولتوور و گه‌شتوگوزاره‌وه‌، ده‌به‌سترێنه‌وه‌.

به‌پێی بڕیارنامه‌كه‌، به‌ڕێوه‌به‌رایه‌تی گشتیی وه‌قفه‌كان ده‌خرێته‌ سه‌ر وه‌زاره‌تی كولتوور و گه‌شتوگوزار و پرۆفیسۆر دكتۆر نوری ئایدن كرا به‌ سه‌رۆكی زانكۆی ئیستانبوڵ.

هه‌ر به‌پێی بڕیارنامه‌كه‌ی سه‌رۆكایه‌تیی كۆمار، پرۆفیسۆر دكتۆر ئێرۆڵ ئۆزڤار له‌ پۆستی سه‌رۆكی زانكۆی ماڕماڕا دامه‌زرێندرا.

بابەتی دواتر

16102018102600_n47dxu1x

‌له‌ ژێر 20 ته‌ن ته‌ماته‌ی خراپبوو ده‌ست به‌سه‌ر جگه‌ری به‌سه‌رچودا گیرا

قایمقامیه‌تی قه‌زای كه‌لار رایگه‌یاند، لیژنه‌ هاوبه‌شه‌كانیان له‌ عه‌لوه‌ی شاره‌كه‌ ده‌ستیان به‌سه‌ر 20 ته‌ن ته‌ماته‌ی خراپدا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *