9820181050600_abady12102017

زیارتر لە هەزار بەرپرسی عێراق راپێچی دادگا دەکرێن

حكومه‌تی‌ سه‌رۆك وه‌زیران، حه‌یده‌ر عه‌بادی‌ بڕیاریدا، هه‌زار و 76 گه‌وره‌ به‌رپرسی‌ بواره‌ جیاجیاكانی‌ عیراق راپێچی‌ دادگا بكات.

سه‌عد حه‌دیسی‌، وته‌بێژی‌ نووسینگه‌ی‌ سه‌رۆك وه‌زیرانی‌ عیراق، رایگه‌یاند، تا ئێستا حكومه‌ت پێنج هه‌زار و 283 به‌رپرسی‌ عیراقی‌ راپێچی‌ ده‌سته‌ی‌ ده‌ستپاكی‌ كردووه‌.

روونیشیكرده‌وه‌، ئه‌و كه‌سانه‌ له‌ پله‌ی‌ وه‌زیری‌ و بریكاری‌ وه‌زاره‌ت و راوێژكاره‌كانه‌وه‌ بگره‌ تا ده‌گاته‌ پارێزگار و سه‌رۆك شاره‌وانی‌ و به‌ڕێوه‌به‌ره‌ گشتییه‌كانیان تیادایه‌.

سه‌عد حه‌دیسی‌ داواشی‌ له‌ لایه‌نه‌ سیاسییه‌كان كرد، پشتیوانی‌ ئه‌و بڕیارانه‌ی‌ حه‌یده‌ر عه‌بادی‌ بكه‌ن بۆ رێگرتن له‌ گه‌نده‌ڵی‌ و به‌هه‌ده‌ر دانی‌ سامانی‌ گشتی وڵات.

هه‌روه‌ها وتی‌: “حكومه‌ت له‌ 2014ه‌وه‌ به‌رنامه‌یه‌كی‌ تۆكمه‌ی‌ بۆ به‌ره‌نگاربوونه‌وه‌ی‌ گه‌نده‌ڵی‌ داڕشتووه‌ و سه‌ره‌ڕای‌ سووربوونی‌ له‌سه‌ر شه‌ڕی‌ تیرۆر توانیویه‌تی‌ درێژه‌ به‌ هه‌وڵه‌كانی‌ بۆ به‌ره‌نگاربوونه‌وه‌ی‌ گه‌نده‌ڵی‌ بدات”.

ئاماژه‌شی‌ بۆ ئه‌وه‌ كرد، تا ئێستا فه‌رمانی‌ ده‌ستگیركردن بۆ 800 گه‌وره‌ به‌رپرسی‌ عیراقی‌ ده‌رچووه‌ و دۆسیه‌ی‌ 1076 به‌رپرسیش ره‌وانه‌ی‌ دادگا كراوه‌ و 316 كه‌سیش له‌ به‌رپرسان سزای‌ یاساییان له‌ لایه‌ن دادگاوه‌ به‌سه‌ردا سه‌پێنراوه‌

بابەتی دواتر

16102018102600_n47dxu1x

‌له‌ ژێر 20 ته‌ن ته‌ماته‌ی خراپبوو ده‌ست به‌سه‌ر جگه‌ری به‌سه‌رچودا گیرا

قایمقامیه‌تی قه‌زای كه‌لار رایگه‌یاند، لیژنه‌ هاوبه‌شه‌كانیان له‌ عه‌لوه‌ی شاره‌كه‌ ده‌ستیان به‌سه‌ر 20 ته‌ن ته‌ماته‌ی خراپدا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *