19260729_1327674333954203_5946559720216525306_n

پۆلیسی سلێمانی راگەیەندراوێكی بڵاوكردەوە

باشك نێت

به‌ڕێوه‌به‌رایه‌تیی پۆلیسی سلێمانی له‌ راگه‌یه‌ندراوێكدا بڵاویكردوه‌ته‌وه‌، دوای ئەوەی رۆژی 7ی ئابی 2018، كاتژمێر 10:30 خولەكی شەو لەنزیك پردی وڵوبە لەشاری سلێمانی هاوڵاتی (ك، ع، ش) كوژرا، هێزەكانی پۆلیس و تیمەكانی بەڵگەی تاوان و كەشف و هێڵكاری گه‌یشتنه‌ شوێنی روداوەكە و لێكۆڵینەوەی ورد كرا وتەی كەسوكاری كوژراوەكەش وه‌رگیرا كە سكاڵایان لەسەر چەند تۆمەتبارێك هەبوو.

ئاماژە بۆ ئەوەش دەكات: هێزەكانی پۆلیسی پارێزگای سلێمانی–بنكەی پۆلیسی ئیبرایم ئەحمەد لێكۆڵینەوەی وردی لەڕوداوەكە دەستپێكرد و توانرا تۆمەتبار ( ه، ق، م) لەدایكبوی 1990 پیشەی كاسب ، كەدەستی هەبووە لەوتاوانەدا دەستگیربكرێت .

تۆمەتباری سەرەكی (د، م، ق) لەدایكبووی 1991 كە هەڵاتبوو، دوای لێكۆڵینەوە و دەستكەوتنی زانیاری ورد لەسەر شوێنی نیشتەجێبوونی دەركەوت كە تۆمەتبار بەرەو شاری هەولێر هەڵاتووە، پاشان بە هاوكاریی هێزەكانی پۆلیسی هەولێر توانرا تۆمەتباری سەرەكی دەستگیر بكرێت و رەوانەی شاری سلێمانی بكرێتەوە بە مەبەستی لێكۆڵینەوە یاساییەكان.

له‌ راگه‌یه‌ندراوه‌كه‌دا هاتووه‌ ، ئێستا هەردوو تۆمەتبار بەفەرمانی بەڕێز دادوەرو بەپێی ماددەی 406 لەیاسای سزادانی عیراقی بەندن و له‌لایەن پۆلیسی ئیبرایم ئەحمەدەوە لێكۆڵینەوەكان بەردەوامن بۆ دەستگیركردنی دوو تۆمەتباری تر كە دەستیان لەو روداوەدا هەبووە.

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *