thumbs_b_c_4b2ee6494c599e486a139614986701ee

نزیكه‌ی 100 هه‌زار موسڵمان له‌ مزگه‌وتی ئه‌قسا نوێژی جه‌ژنیان كرد

ئه‌و موسڵمانانه‌ی له‌ خۆرهه‌ڵاتی قودس ده‌ژین كه‌ له‌لایه‌ن ئیسرائیله‌وه‌ داگیركراوه‌، به‌لێشاو روویان له‌ مزگه‌وتی ئه‌قسا كرد بۆ ئه‌نجامدانی نوێژی جه‌ژن.

ژماره‌ی ئه‌و فه‌ڵه‌ستینیانه‌ی له‌ رۆژی عه‌ره‌فه‌دا و له‌ پاش نوێژی خه‌وتنان رویان له‌ مزگه‌وتی ئه‌قسا كرد تا كاته‌كانی نوێژی به‌یانی گه‌یشته‌ هه‌زاران كه‌س. هه‌روه‌ها ئه‌و موسڵمانه‌ فه‌ڵه‌ستینیانه‌ی دانیشتووی گه‌ڕه‌كه‌ دووره‌كانی خۆرهه‌ڵاتی قودسن و ده‌یانویست سه‌ردانی مزگه‌وتی ئه‌قسا بكه‌ن، ریزی درێژیان له‌سه‌ر ئه‌و رێگایانه‌ به‌ست كه‌ ده‌چوونه‌ ناوچه‌ی شاری دێرین كه‌ حه‌ره‌می پیرۆزی لێیه‌.

هه‌زاران موسڵمان كه‌ به‌ قورئان خوێندن و ته‌كبیركردنه‌وه‌ تا كاتی نوێژی جه‌ژن له‌ مزگه‌وتی ئه‌قسا چاوه‌ڕوانیان كرد، پاش ئه‌نجامدانی نوێژی جه‌ژن گوێبیستی گوتاری جه‌ژن بوون.

پاش نوێژی جه‌ژن له‌ حه‌وشه‌ی مزگه‌وته‌كه‌ چه‌ند چالاكییه‌ك بۆ منداڵان رێكخرا و، دیاری دابه‌شكرا.

گوته‌بێژی راگه‌یاندنی فه‌رمانگه‌ی وه‌قفه‌كانی ئیسلامی قودس، فیراس ئه‌ددیبس، ئاماژه‌ی به‌وه‌ كرد كه‌ نزیكه‌ی 100 هه‌زار موسڵمان له‌ وڵاتانی ئیسلامی و عه‌ره‌بی جۆراوجۆر نوێژی جه‌ژنیان له‌ مزگه‌وتی ئه‌قسا ئه‌نجامداوه‌.

موفتی قودس و فه‌ڵه‌ستین، شێخ محه‌مه‌د حوسه‌ین له‌ گوتاری جه‌ژندا باسی له‌وه‌ كرد كه‌ پارێزه‌رانی قودسی و خۆبه‌خشه‌كان كه‌ به‌ “مورابت”ه‌كان ناسراون پێداگرن له‌سه‌ر به‌رگری كردن له‌ دژی داگیركردنی قودس و نیشته‌جێی جووله‌كه‌ نشینه‌كان.

هاوكات شیخ حوسه‌ین ره‌خنه‌ی له‌ حكوومه‌تی ئیسرائیل به‌تایبه‌تی سه‌رۆكوه‌زیرانی ئه‌و وڵاته‌، بنیامین ناتانیاهو گرت به‌ رێگه‌دان به‌ رادیكاڵه‌ راستڕه‌وه‌كانی په‌رله‌مانی ئیسرائیل بۆ چوونه‌ ناو مزگه‌وتی ئه‌قسا.

بابەتی دواتر

WASHINGTON, DC - JANUARY 30:  The last rays of sunlight fall on the dome of the U.S. Capitol January 30, 2018 in Washington, DC. President Donald Trump will deliver his first State of the Union address to a joint meeting of Congress tonight.  (Photo by Chip Somodevilla/Getty Images)

بەوێنە..بۆش لە بری موچە، چ پاداشتێک بە پاسەوانەکانی دەدات

سه‌رۆكی پێشووتری ئه‌مریكا وه‌ك ده‌ستخۆشی له‌پاسه‌وانه‌كانی، له‌بری موچه‌، پیتزای پێشكه‌شكردن و سوپاسیكردن كه‌ به‌بێ موچه‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *