thumbs_b_c_0c9a3a8bdd6ee702af891588d30f69d5

گەڕانەوەی یەکەمین کاروانی حاجیان لە سعوودیەوە بۆ سلێمانی

ئەمڕۆ لە رێگەی فڕۆكەخانەی سلێمانییەوە، یەكەمین كاروانی حاجیانی سنووری پارێزگای سلێمانی كە ژمارەیان 418 حاجی بوو بە فڕۆكەیەكی هێڵی ئاسمانی عێراقییە گەیشتنەوە هەرێمی كوردستان.

بەڕێوەبەری فڕۆكەخانەی سلێمانی، تاهیر عەبدوڵڵا لەو بارەیەوە بە رۆژنامەنووسانی راگەیاند، لە یەكەم كارواندا، 418 حاجی گەیشتنەوە فڕۆكەخانەی سلێمانی و بڕیارە بە حەوت تا هەشت گەشتی دیکە تەواوی حاجیان لە رێگەی فڕۆكەخانەی سلێمانییەوە بگەنەوە هەرێمی كوردستان.

تاهیر عەبدوڵڵا گوتی: “گەشتەكان لەماوەی ئەم چەند رۆژەدا بەردەوامییان دەبێت تا تەواوبوونی گەڕانەوەی هەموو حاجیان، بۆ سبەی دوو كاروانی دیکەی حاجیان دەگەنەوە فڕۆكەخانەی سلێمانی”.

ڕۆژی 23 ی مانگی رابردوو یەكەم كاروانی حاجیانی هەرێمی كوردستان بەمەبەستی بەجێگەیاندنی فەریزەی بەرەو سعوودیە بەڕێكەوتن، دوای مانگێك و بەئەنجامگەیاندنی ئەركەكانی فەریزەی حەج، بەرەبەیانی ئەمڕۆ گەڕانەوەی حاجیانی هەرێمی كوردستان دەستی پێكرد و لە رێگەی فڕۆكەخانەی هەولێرەوە یەكەم كاروانی حاجیانی هەرێمی كوردستان گەڕانەوە.

ژمارەی حاجیانی ئەمساڵی هەرێمی كوردستان پێنج هەزار و 469 حاجی بوو، لەو ژمارەیەش حاجییەكی تەمەن 71 ساڵان لە كاتی بەجێگەیاندنی ئەركەكانی فەریزەی حەجدا لە سعوودیە کۆچی دوایی کرد

بابەتی دواتر

9660167411073024_n

ڕابەری گشتی لەگەڵ مسعود بارزانی کۆبوەوە

مامۆستا عیرفان عەبدولعەزیز ڕابەری گشتی بزووتنەوەی ئیسلامیی لە صلاح الدین سەردانی کاک مسعود بارزانی سەرۆکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *