thumbs_b_c_d438131e895546c2c50841b17c0ce4e0

كاردانه‌وه‌ی رووسیا به‌رامبه‌ر هێرشی ئه‌مریكا، بۆ سه‌ر رژێمی ئه‌سه‌د

گوته‌بێژی وه‌زاره‌تی ده‌ره‌وه‌ی رووسیا، ماریا زاخارۆڤا كاردانه‌وه‌ی به‌رامبه‌ر هێرشی ئه‌مریكا، به‌ریتانیا و فه‌ڕه‌نسا بۆ سه‌ر رژێمی به‌شار ئه‌سه‌د نیشاندا.

زاخارۆڤا له ‌هه‌ژماری فه‌رمی خۆی له‌ تۆڕی كۆمه‌ڵایه‌تی رایگەیاند: “سه‌ره‌تا به‌هاری عه‌ره‌بی-یان بۆ گه‌لی سووریا به‌كارهێنا، دواتر داعش ئێستاش مووشه‌كه‌ زیره‌كه‌كانی ئه‌مریكا. گورز له‌ پایته‌ختی ئه‌و ده‌وڵه‌ته‌ وه‌شێندرا كه‌ وێڕای ساڵانێك له‌ هێرشی تیرۆریستان هه‌وڵی دا له‌ سه‌ر پێی خۆی بمێنێته‌وه‌ و سه‌روه‌ری خۆی بپارێزێت”.

زاخارۆڤا ئاماژه‌ی به‌وه‌ دا كه‌ “ئه‌وانه‌ی خۆیان به‌ ده‌سته‌بژێری جیهان راگه‌یاندووه‌ و بانگه‌شه‌ی ئه‌وه‌ ده‌كه‌ن سه‌ركرده‌ی ره‌وشتین” له‌ پشت هه‌موو ئه‌وانه‌وه‌ن و گوتی: “له‌ كاتێكدا داهاتووی ئاشته‌وایی باڵی به‌سه‌ر سووریادا كێشابوو، دووچاری ئه‌م هێرشه‌ بووه‌وه‌”.

زاخارۆڤا بانگه‌شه‌ی ئه‌وه‌ی كرد كه‌ كۆشكی سپی به‌ پشتبه‌ستن به‌ زانیاری میدیاكان دڵنیابوو له‌ ئه‌نجامدانی هێرشی كیمیایی له‌ سووریا و گوتی: “له‌ دوای ئه‌م راگه‌یه‌ندراوه‌وه‌ ده‌بێت میدیاكانی ئه‌مریكا و رۆژئاوا له‌ به‌رپرسیاربوونی خۆیان تێبگه‌ن. ١٥ ساڵ له‌مه‌وبه‌ر كۆشكی سپی ده‌فری كیمیایی به‌كارده‌هێنا ئێستاش له‌بری ئه‌و میدیای واشنتۆن به‌كارده‌هێنێت”.

ب.هـ

بابەتی دواتر

draw2412015bb

نرخی دراوەکان

نرخی دراوەکان لە بازاڕەکانی هەرێمی کوردستان 100 دۆلار 120 هەزار و 250 دینار. 100 یۆرۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *