ئەنجامی هەڵبژاردنەكەی دوێنێی پەرلەمانی سوید

ڕێژەی دەنگدان لە هەڵبژاردنەكەی دوێنێی پەرلەمانی سویدا گەیشتە 84% و بە پێی ئەنجامە بەراییەكان قەوارەی چەپ/سەوز 144 كورسی و كوتلەی ڕاستڕەو 143پەرلەمانی بەدەستهێناوە.

پارتی دیموكراتەكانی سوید (واتە رەگەزپەرستەكان) و پارتی مەسیحی و پارتی چەپ و پارتی سەنتەر سەركەوتنێكی دیاریان بەدەست هێنا.
ژمارەی كورسییەكانی پارتی ڕەگەزپەرستەكان لە ٤٢ كورسییەوە دەبێت بە ٦٢ كورسی.
ژمارەی كورسییەكانی پارتی مەسیحییەكان لە ١٦ كورسییەوە دەبێت بە ٢٣ كورسی.
ژمارەی كورسییەكانی پارتی سەنتەر لە ٢٢ كورسییەوە دەبێت بە ٣١ كورسی.
ژمارەی كورسییەكانی پارتی چەپ لە ٢١ كورسییەوە دەبێت بە ٢٨ كورسی.

 

1/ هەردوو پارتی حوكمڕان، واتە پارتی سوسیال دیموكرات و پارتی ژینگە، دابەزینیان بە خۆیانەوە دی. پارتی سوسیال دیموكرات لە ١١٣ كورسییەوە كەم دەكات بۆ ١٠١ كورسی.
پارتی ژینگە لە ٢٥ كورسییەوە بۆ ١٥ كورسی كەم دەكات.

2/ پارتی پارێزەران كەم دەكات و ژمارەی كورسییەكانی لە ٨٣ كورسییەوە دەبێت بە ٧٠ كورسی.

3/ پارتی لیبرال ١٩ كورسییەكەی خۆی دێنێتەوە، واتە نەزیاد دەكات و نەكەم.

4/ كوتلەی چەپ/سەوز (كە لە پارتی سوسیال دیموكرات و پارتی ژینگە و پارتی چەپ پێكدێت) ١٤٤ كورسی بەدەست هیناوە.

5/ كوتلەی ڕاستڕەو (كە لە پارتی پارێزەران و پارتی لیبرال و پارتی سەنتەر و پارتی مەسیحی پێكدێت) ١٤٣ كورسی بەدەست هێناوە.

 

لەبەر ئەوەی پارتی ڕەگەزبەرستەكان، كە ئێستا ٦٢ كورسییان بەدەست هێناوە، لایەنگری ڕاستڕەوەكانن ئەگەرێكی بە هێز هەیە كە كوتلەی ڕاستڕەوەكان چەند حەفتەیەكی تر و لە ڕێگای هاوكاری ڕەگزپەرستەكانەوە حوكم بگرێتە دەست.

ش.ك

 

بابەتی دواتر

پرسەنامەی قوباد تاڵەبانی بۆ بنەماڵەی مامۆستا شێخ صدیق عەبدولعەزیزی هەڵەبجە

بە‌ڕێزان بنەماڵەی مامۆستا شێخ صدیق عەبدولعەزیزی هەڵەبجە سڵاوێكی گەرم.. بەداخ و پەژارەیەكی زۆرەوە، هەواڵی كۆچی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *