سبەی ڕەوشی نائاسایی كەشوهەوا كۆتایدێت

بەڕێوەبەری كەشناسی و بوومەلەرزەی هەرێم رایگەیاند، پێشبینی دەكرێت سبەی هەینی بەشێوەیەكی گشتی رەوشی نائاسایی كەشوهەوا كۆتایپێبێت، بەڵام شەپۆلێكی بارانبارین ناوچەكانی خانەقین و ئیدارەی گەرمیان دەگرێتەوە.

بەیانی ئەمڕۆ ئیدارەی گەرمیان لەراگەیەندراوێكدا داوای لە هاوڵاتیانی‌ خانەقین و ئیدارەی گەرمیان كرد تاوەكو سبەی هەینی روو لە ناوچە گەشتیارییەكان نەكەن، بەهۆی‌ ئەگەری‌ روودانی‌ لافاو.

بەڕێوەبەری كەشناسی و بوومەلەرزەزانی هەرێم فازڵ ئیبراهیم، رایگەیاند:”پێشبینی دەكرێت سبەی هەینی بەشێوەیەكی گشتی رەوشی نائاسایی كەشوهەوا كۆتایپێبێت، بەڵام شەپۆلێكی بارانبارین ناوچەكانی خانەقین و ئیدارەی گەرمیان دەگرێتەوەو پێشبینی لافاوی تێدا دەكرێت”.

ڕاشيگەياند:”لە درەنگانێكی ئەمشەوەوە ئەگەری بارانبارینی زۆر هەیە لەسەرجەم شارەكاندا، “پێشبینی دەكەین لەسەروی 20 ملیمەترەوە باران ببارێت، هۆشداریەكەی ئێمەش بۆ ئەوەیە بەڕێوەبەرایەتییە خزمەتگوزاریەكان ئاگاداربن لەبونی هەر ئەگەرێكی لافاو لەناوچەكانی ئیدارەی گەرمیان وخانەقین”.

ئاماژەى بەوەشكرد:”سبەی هەینی لەپارێزگاكانی هەولێرو دهۆك پێشبینی باران ناكرێت، بەڵام لەپارێزگاكانی سلێمانی و هەڵەبجە لەبەشی رۆژهەڵاتی پارێزگاكانەوە ئەگەری باران بارینی كەم هەیەو لەناوچەكانی دیكە باران بارین پچڕ پچڕ دەبێت”.

ڕونيشيكردەوە:”ئەو رەوشە ناسەقامگیرەی چەند رۆژێكە بەهۆی بارانبارینەوە لەهەرێمی كوردستاندا دروستبووە، پێشبینی دەكەین سبەی هەینی كەمببێتەوەو لاوازببێت”.

بابەتی دواتر

پرسەنامەی قوباد تاڵەبانی بۆ بنەماڵەی مامۆستا شێخ صدیق عەبدولعەزیزی هەڵەبجە

بە‌ڕێزان بنەماڵەی مامۆستا شێخ صدیق عەبدولعەزیزی هەڵەبجە سڵاوێكی گەرم.. بەداخ و پەژارەیەكی زۆرەوە، هەواڵی كۆچی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *