شەوی رابردوو چەند چەكداراێكى داعش دزەیان كردووه‌تە ناو گوندێكی نزیك قەزای ئامرلی

فەرماندەیەكی حەشدی شەعبی ئاشكرای دەكات كە شەوی رابردوو دوای ئەوەی چەكدارانی داعش دزەیان كردووه‌تە ناو گوندێكی نزیك قەزای ئامرلی، تاوانێكی قێزەوەنیان به‌رامبه‌ر بە دوو خێزانی گوندنشین كردووە.

ویسام ئامرلی وتەبێژی لیوای 52ی حەشدی شەعبی لەسنوری پارێزگای سەڵاحەدین، ئەمڕۆ هەینی 24ی ئاداری 2017، ڕايگەياند:”كاتژمێر 11:00ی شەوی رابردوو ژمارەیەك لەچەكدارانی داعش دزەیان كردەوەتە ناو گوندی جەرداغلی لەنزیك قەزای ئامرلی و پاشان كە هێزەكان ئاگاداربوونەتە بەرپەرچدراونەتەوەو ناچار بە كشانەوە كراون”.

ڕاشيگەياند:”چەكدارەكان لەحەویجەوە هاتبوونە نزیك زەرگە و پاشان كەشوهەوای باراناویان قۆستبووەوە بۆ دزەكردن بۆ ناو گوندەكە”.

ئەو فەرماندەیەی حەشدی شەعبی ئەوەشی خستەڕوو كە چەكدارەكان چونەتە سەر دوو ماڵی گوندەكە و ئەندامانی خێزانەكانیان كوشتووە كە لە شه‌ش كەس پێكهاتبوون لەژن و مناڵ و پیاو، تەنها كەسێك لەخێزانی دووەمدا ماوەتەوە كە روبەڕوویان بووەتەوە.

ڕونيشيكردەوە:”دوای چەند كاتژمێرێك لەروبەڕووبوونەوە چەكدارەكان بەناچاری كشاونەتەوەو تەرمی پێنج كەسشیان لێ بەجێماوەو لەئێستادا دۆخی ناوچەكە ئارامە و هیچ مەترسییەكیش لەسەر گوندەكە نەماوە”.

گوندی چەرداغلی كەوتوەتە نێوان هەردوو قەزای ئامرلی توركمان نشین و خورماتووەوە، لەلایەن هێزەكانی حەشدی شەعبییەوە ئەو ناوچانە دەپارێزرێت.

بابەتی دواتر

رێكخراوی لێبوردنی نێوده‌وڵه‌تی: له‌ خۆپیشاندانه‌كانی ئێراندا 106 كه‌س كوژراون

رێكخراوی لێبوردنی نێوده‌وڵه‌تی رایدەگەیەنێت، ئێران بە شێوەیەکی نایاسایی بەردەوامە لە کوشتنی خۆپیشاندەران و دەشڵێت: له‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *