به‌وێنه‌..وەرزی رنینی هەنار

ساڵانە لە مانگەکانی 10 و 11ی وەرزی پێگەیشتنی هەنارە لە هەرێمی كوردستان و جووتیاران دەست بە رنین و چنینەوەی بەرهەمی ئەو ساڵەیان دەكەن.

هەڵەبجە دیارترین ناوچەی هەرێمی كوردستانە بۆ هەنار، بەرهەمی هەناری ئەو ناوچەیە لە هەرێمی كوردستان تەنانەت لە عێراق و جیهانیشدا نێوبانگی خۆی هەیە، بە جۆرێك لە ساڵی 2013 و لە پێشانگەیەكی تایبەت لە بەریتانیا هەناری هەڵەبجە لەنێو هەناری نزیكەی 100 وڵاتی جیهاندا باشترین بووە.

بەرپرسانی فەرمانگەی كشتوكاڵ و باخەوانان ئەمساڵ نیگەرانن لە كەمی و ئەو نەخۆشییانەی روویان لە بەرهەمی هەنار كردووە لە ناوچەكەدا بەهۆی كەشوهەواوە

ستار مەحموود، بەڕێوەبەری گشتیی فەرمانگەی كشتوكاڵی هەڵەبجە دەڵێت “بەهۆی گۆڕانكاری كەشوهەوا كە لە كۆتایی وەرزی بەهاری ئەمساڵ بڕێكی زۆر باران و تەزرە باریووە، بووەتە هۆی ئەوەی بەرهەمی ئەمساڵی هەناری ناوچەكە بە بەراورد بە ساڵانی رابردوو كەمتر بێت”.

بە گوێرەی نوێترین ئاماری فەرمانگەی كشتوكاڵی هەڵەبجە، لەو سنوورەدا هەشت هەزار و 500 دۆنم باخی هەنار هەیە و بەرهەمی ساڵانەی ئەم باخانەش دەگاتە نزیكەی سێ‌ هەزار تۆن هەنار.

hanar-14102018 (2) hanar-14102018 (4) hanar-14102018 (6) hanar-14102018 (7) hanar-14102018 (8) hanar-14102018 (10) hanar-14102018 (16) hanar-14102018 (18) hanar-14102018 (19)

بابەتی دواتر

حیجاب، عادەتە یا عیبادەت؟

حیجاب، عادەتە یا عیبادەت؟….لیلی علی عبدالعزیز….سەرەتا پێویستە ئەوە بڵێم ووشەی باڵاپۆشی کە بەمانای حیجاب لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *