‌ئێران لقێکی زانکۆی زانستە پزیشکییەکانی لە هەرێم ده‌کاتەوە

کۆماری ئیسلامی ئێران پرۆژەیەکی بۆ کردنەوەی لقێکی زانکۆی زانستە پزیشکییەکانی پێشکەش بە وەزارەتی خوێندنی باڵای و توێژینەوەی زانستی حکومەتی هەرێمی کوردستان کرد.

ماڵپەڕی وەزارەتی خوێندنی باڵای هەرێم بڵاویکردووەتەوە، ئەمرۆ چوارشەممە 24ی تشرینی یەکەمی 2018، شاندێکی کۆماری ئیسلامی ئێران بە سەرۆکایەتی مورتەزا عەبادی‌ سەرکونسوڵی‌ ئەو وڵاتە لە هەولێر سەردانی وەزارەتەکەیان کردووە و لەگەڵ د. یوسف گۆران وەزیری‌ خوێندنی‌ باڵا و توێژینەوەی‌ زانستی‌ حکومەتی‌ هەرێمی‌ کوردستان کۆبوونەتەوە.

ئاماژەی بەوەش کردووە، لە دیدارەکەدا به‌هێزكردنی په‌یوه‌ندییه‌كانی نێوان هه‌رێمی كوردستان و كۆماری ئیسلامی ئێران له‌ بواری خوێندنی باڵا و هه‌وڵه‌كانیان بۆ په‌ره‌پێدانی په‌یوه‌ندییه‌كانیان گفتوگۆی لەبارەوە کراوە.

هەروەک مورتەزا عەبادی‌ سەرکونسوڵی‌ ئێران لە هەولێر رایگەیاندووە، هاتوون بۆ ئەوەی‌ پڕۆژه‌یه‌ك له‌ بواری خوێندنی باڵا پێشكه‌ش بە وه‌زاره‌تی خوێندنی‌ باڵا و توێژینەوەی‌ زانستی‌ هەرێم بکەن بۆ كردنه‌وه‌ی لقێكی زانكۆی زانسته‌ پزیشكییه‌كانی كۆماری ئیسلامی ئێران له‌ كوردستان.

بابەتی دواتر

نرخی دراوەکان لە بازاڕەکانی هەرێمی کوردستان

ئەمڕۆ سێ شەممە لە بازاڕەکانی ھەرێمی کوردستان نرخی دراوه‌ جیهانیه‌كان به‌م شێوه‌یه‌ 100 دۆلاری ئەمریکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *