گۆڤاری ناشناڵ ئینتریست:” ئەگەری زۆرە ئاشتی بگۆڕێت بۆ جەنگ “

تائيستا چەند جارێک ئەمەریکا و یەکێتی سۆڤیەتی پێشوو لە جەنگ نزیکبوونەتەوە، بەڵام لە دوای ساڵی 1945 هیچ جەنگێکی جیهانی رووینەداوە، بەڵام ئێستا بەهۆی زیادبوونی هێزی چین و گوێنەدانی رووسیا بە چەند فەرمانێکی نێودەوڵەتی، ئەگەری دروست بوونی جەنگی جیهانی زیادیکردووە ، گۆڤاری ناشناڵ ئینتریست پێشبینی دەکات لە ساڵی 2019 جەنگی گەورەیان تێدا بروبدات وه ك:باشووری دەریای چین،ئۆکرانیا، کەنداوی فارس يان عه ره ب،نیمچە دوورگەی کۆریا

باشووری دەریای چین

ئيستا بووەتە جێگای رووبەڕووبوونەوەی بازرگانیی نێوان ئەمەریکا و چین. لە ئێستادا هەڕەشەکان تەنها زارەکین و هەندێک جار بۆ زیادکردنی باج پەلدەکێشن.

لە چەند رۆژی رابردوو، ئەمەریکا و کەنەدا گرژییەکانیان زیادکرد کاتێک بڕیاریاندا سەرۆکی کۆمپانیای هواوی چینی دەستگیر بکەن، لەوەڵامدا چین نیازی هەیە هەمان کار دژی کۆمپانیا کەنەدی و ئەمەریکییەکان بکات.

رێککەوتنی بازرگانیی نێوان ئەمەریکا و چین، چەند ساڵێک لەمەوبەر، هۆکارێکی سەرەکی بوو بۆ زیادبوونی گەشەی ئابووری جیهانی، بەڵام ئێستا ئەو دوو وڵاتە جارێکی دیکە هەڕەشەی کشانەوە لە رێککەوتنەکان دەکەن کە خەریکە مامەڵەکردن بە دۆلار و سزای یاسایی دەگرێتەوە. ئەمەش داهاتووی پەیوەندی نيوان ئەو دوو وڵاتە بۆ دۆخێکی مەترسیدار دەبات.

ئۆکرانیا

ئەوەندە نابێت کە رووسەکان چەند بەلەمێکی سەربازیی ئۆکرانییان دەستگیرکردووە کە تیایدا تەقەکراو و برینداری لێکەوتەوە.

بڕیارە لە ساڵی 2019، هەڵبژاردن لە ئۆکرانیا ئەنجام بدرێت، ئەگەر بێت و حکومەتی داهاتووی ئۆکرانیا بە لایەکی نەخوازراودا سیاسەت بکات، ئەوا گرژی زیاتر دەکەوێتە نێوان ئەمەریکا و رووسیا.

لە ئێستا حکومەتی ئۆکرانیا یاسای سنووردارکردنی رووسیای پەسەند کردووە کە بەهۆیەوە سەردان و چالاکییەکانی هاووڵاتیانی رووسیای سنووردار کردووە، پەیوەندییەکانیش روو لە ئاڵۆزبوونی زیاترن.

کەنداوی فارس

ئاڵۆزی و گرژییەکانی رۆژهەڵاتی ناوەڕاست بۆ ئاستێکی مەترسیدار پەلیان کێشاوە. فشار و سزاکانی سەر ئێران زیادیکردووە و ئەمەریکا دەڵێت کە سوورە لەسەر سنووردارکردنی ئێران. دەرئەنجامی جەنگی ناوخۆی سووریا و یەمەن روون نییە، هەر یەک لە ئەمەریکا و رووسیاش پشتگیری هێزی جیاواز دەکەن لە ناوچەکە.

گەر ئەو ئاڵیۆزیانە لە شوێنێکدا نەوەستێندرێن، ئەوا ئەگەری زۆرە ئاڵۆزی نێوان کورد، فارس، تورک، عەرەبەکانی سووریا و عێراق زیاد بکات و لە شوێنێکدا تەشەنە بکات.

نیمچە دوورگەی کۆریا

ئەگەرچی رێککەوتن و لێک نزیکبوونەوە لە نێوان ئەمەریکا و کۆریای باکوور هەبووە، بەڵام تاکو ئێستا کۆریای باکوور بەرهەمهێنانی چەکی ئەتۆمیی و مووشەکی دوورهاوێژی رانەگرتووە.

بويه بيشبينىگۆڤاری “ناشناڵ ئینتریست” ئەگەری داناوه له كاتى شکستی رێککەوتنی نيوان ترەمپ و کیم، ده شليت ئەگەری زۆرە ئەو “ئاشتییە” راستەوخۆ بۆ جەنگ بگۆڕێت.

وه رگێرانى: شۆرش كه مال

بابەتی دواتر

ئەنجومەنی شورای بزوتنەوەی ئیسلامی بەسەرپەرشتی ڕابەری گشتی کۆبوەوە

ئەنجومەنی شورای بزوتنەوەی ئیسلامی بەسەرپەرشتی ڕابەری گشتی کۆبوەوەلە ڕۆژی ١٠/١١/٢٠١٩ – ١٣ی رەبیع الاول ١٤٤١ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *