بوومه‌له‌رزه‌یه‌ك به‌ گوڕی ٧ پله‌ فلیپین-ی هه‌ژاند

بوومه‌له‌رزه‌یه‌ك به‌ گوڕی ٧ پله‌ به‌ پێوه‌ری رێخته‌ر باشووری فلیپین-ی هه‌ژاند.

ئاژانسی لێكۆڵینه‌وه‌ی زه‌ویناسی ئه‌مریكا هه‌رچه‌ند سه‌ره‌تا رایگه‌یاند بومه‌له‌رزه‌یه‌ك به‌ گوڕی ٦،٩ پله‌ به‌ پێوه‌ری رێخته‌ر ده‌وربه‌ری شاری داڤاو-ی له‌ دوورگه‌ی مینداناو له‌ فلیپین هه‌ژاندووه‌ به‌ڵام دواتر گوڕی بوومه‌له‌رزه‌كه‌ی بۆ ٧ پله‌ به‌ پێوه‌ری رێخته‌ر راستكرده‌وه‌.

ناوه‌ندی بوومه‌له‌رزه‌كه‌ پۆنداگویتان بووه‌ له‌ قوڵایی ٦٠،١ كیلۆمه‌تر له‌ ناخی زه‌ویدا روویداوه‌. هێشتا هیچ لێدوانێك نه‌دراوه‌ له‌باره‌ی ژماره‌ی قوربانیان و بریندارانی بوومه‌له‌رزه‌كه‌.

ئاژانسی تسۆنامی زه‌ریای مه‌نگ هۆشداریدا له‌وه‌ی له‌وانه‌یه‌ شه‌پۆله‌ مه‌ترسیداره‌كانی تسۆنامی بگاته‌ ٣٠٠ كیلۆمه‌تر له‌ ده‌وروبه‌ری ئەو ناوچانەی بوومه‌له‌رزه‌ لێیداوە.

ئه‌نیستیتوی بوڕكان و بوومه‌له‌رزه‌زانی فلیپینیش رایگه‌یاند كه‌ گوڕی بوومه‌له‌رزه‌كه‌ ٧،١ پله‌ به‌ پێوه‌ری رێخته‌ر بووه‌ و له‌ قوڵایی ٤٩ كیلۆمه‌تر له‌ ناخی زه‌ویدا روویداوه‌.

یه‌كه‌م گرته‌كانی بوومه‌له‌رزه‌كه‌ له‌ تۆڕی كۆمه‌ڵایه‌تی بڵاوكرانه‌وه‌. ژماره‌ی دانیشتووانی دوورگه‌ی داڤاو یه‌ك ملیۆن و ٦٠٠ هه‌زار كه‌سه‌.

فلیپین كه‌ ده‌كه‌وێته‌ پشتێنه‌ی بوڕكان و بوومه‌له‌رزه‌ی بازنه‌یی ئاگرینی زه‌ریای مه‌نگ له‌ ١٥ی تشرینی یه‌كه‌می ٢٠١٣ بوومه‌له‌رزه‌یه‌ك به‌ گوڕی ٧،٢ ئه‌وێی هه‌ژاند و له‌ ئاكامدا ١٤٤ كه‌س گیانیان له‌ده‌ست دا.

بابەتی دواتر

رابه‌ری گشتی لەگەڵ بەرپرس و ئەندامانی مەڵبەندی پێنجی چەمچەماڵ کۆبوەوە

بەرێز مامۆستا عیرفان علی عبدالعزیز رابەری گشتی بزوتنەوەی ئیسلامی ئەمرۆ پێنج شەممە رێکەوتی ٢٠١٩/١١/١٤لەنوسینگەی تایبەتی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *