‌بكوژانی كوڕ و باوكه‌ی حاجیاوا ده‌ستگیر كران

پۆلیسی راپه‌ڕین رایگه‌یاند، هێزه‌كانیان توانیویانه‌ بكوژانی كوڕ و باوكه‌كه‌ی حاجیاوایان ده‌ستگیركرد و ده‌ستیشیان به‌سه‌ر ئۆتۆمبێلێكی بی ئێم ده‌بلیو-دا گرتووه‌.

پۆلیسی راپه‌ڕین له‌ راگه‌یه‌ندراوێكدا ده‌ڵێت: “شه‌وی رابردوو كاتژمێر 9:00 له‌ لایه‌ن هێزه‌كانمان كه‌ پێكهاتبوون له‌ بنكه‌ی پۆلیسی حاجیاوا و فریاكه‌وتن و نه‌هێشتنی تاوانی رانیه‌ و له‌ قه‌زای پشده‌ریش بنكه‌ی پۆلیسی فریاكه‌وتن و نه‌هێشتنی تاوانی پشده‌ر، ژماره‌یه‌ك تۆمه‌تبار له‌ سنوری ئیداره‌ی راپه‌ڕین به‌ تۆمه‌تی كوشتنی كوڕ و باوكه‌كه‌ی ناحیه‌ی حاجیاوای سه‌ر به‌قه‌زای رانیه‌ ده‌ستگیركران، هاوكات ئۆتۆمبێلێكی جۆری (BMW)ش ده‌ستی به‌سه‌ردا گیراوه‌”.

راشیگه‌یاندووه‌: پاش لێكۆڵینه‌وه‌ له‌گه‌ڵیاندا له‌به‌رده‌م پۆلیس و دادگا دانیان ناوه‌ به‌ تاوانه‌كه‌یاندا كه‌ ده‌ستیان هه‌بووه‌ له‌ كوشتی باوك و كوڕه‌كه‌ی ناحیه‌ی حاجیاوا، په‌ڕاوی لێكۆڵینه‌وه‌یان بۆ كراوه‌ته‌وه‌ و لێكۆڵینه‌وه‌ش له‌گه‌ڵیان به‌رده‌وامه‌.

ئه‌وه‌شی وتووه‌: ده‌ستگیركردنی بكوژه‌كان له‌كاتێدا بووه‌ كه‌ سود وه‌رگیراوه‌ له‌ به‌دواداچون و زانیاری هێزه‌كانیان و سود وه‌رگرتن له‌ كامێراكانی چاودێری و وه‌رگرتنی وته‌ی شاهید.

ئێواری رۆژی یه‌كشه‌ممه‌ 20ی كانوونی دووه‌می 2019، له‌ گه‌ڕه‌كی سه‌رده‌م له‌ ناحیه‌ی حاجیاوا سه‌ر به‌ قه‌زای رانیه‌ باوکێك به‌ ناوی ( ئـ . ئـ ) له‌دایك بووی ساڵی 1983 و كوڕه‌كه‌ی به‌ناوی (پ . ئـ . ئـ ) ته‌مه‌ن سێ ساڵان له‌ كۆڵانی پشت ماڵی خۆیان ده‌ستڕێژی گولـلـه‌یان لێ ده‌كرێت و به‌و هۆیه‌شه‌وه‌ ده‌ستبه‌جێ هه‌ردوو كوڕ و باوكه‌كه‌ گیانیان له‌ده‌ستدا.

بابەتی دواتر

ڕابەری گشتی لەگەڵ مسعود بارزانی کۆبوەوە

مامۆستا عیرفان عەبدولعەزیز ڕابەری گشتی بزووتنەوەی ئیسلامیی لە صلاح الدین سەردانی کاک مسعود بارزانی سەرۆکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *