لیژنەی داكۆكی لەمافی رۆژنامەنوسان روونكردنەوەیەكی بڵاوكردەوە

لیژنەی داكۆكی لەئازادی ڕۆژنامەنوسی و مافی ڕۆژنامەنوسان ڕایدەگەینەێت” لەم چەند ڕۆژانەی ڕابردوودا كۆمەڵێ كەیس و سكاڵا بۆ لیژنەكەمان هاتووە كە دادگاكان مامەڵە بەیاسای ژمارە ۳٥ ناكەن و پەنا بۆ یاساكانی تری هەرێم یان عیراق دەبەن”.

لیژنەی داكۆكی لەئازادی ڕۆژنامەنووسی و مافی ڕۆژنامەنوسان لە روونكردنەوەیەكدا ئاماژە بەوەشدەكات”دووبارە بوونەوەی ئەم حاڵەتانە ترسی ئەوەمان لا دروست دەكات ببێتە دیاردە و مەترسی بۆسەر ئازادی ڕادەربڕین و كاری ڕۆژنامەنووسان و سیمای جوانی هەرێمەكەمان و پڕوسەی دیموكراسی بخاتە ژێر پرسیارەوە، بۆیە ئێمە لەلیژنەی داكۆكی داواكارین لەهەمولایەك كە ڕێز لەبەندەكانی یاسای ژمارە ۳٥ بگیرن و دادگاكان كاری پێ بكەن لە مامەڵەی كەیسەكانی ڕۆژنامەنووسان، تا پێكەوە ژینگەیەكی ئارام و تەندروست بۆ ڕاگەیاندنی كوردی فەراهەم بكەین”.

دەقی ڕوونكردنەوەكە:

كارنەكردن بەیاسای ژمارە ۳٥ساڵی ۲۰۰۷ی ڕۆژنامەگەری هەرێمی كوردستان

ڕونكردنەوەیەك لەلیژنەی داكۆكی لەئازادی ڕۆژنامەنوسی ومافی ڕۆژنامەنوسان سەبارەت بە كارنەكردن بەیاسای ژمارە ۳٥ساڵی ۲۰۰۷ی ڕۆژنامەگەری هەرێمی كوردستان

هەرچۆن ڕاگەیاندنی كوردی و ئەم ژینگە ئازادیەی كاری ڕۆژنامەگەری لەباشوری كوردستاندا یەكێكەلەدەسكەوتە گرنگەكانی ڕاپەڕین و حكومەتی هەرێمی كوردستان، بەهەمان شێوە یاسای ژمارە ۳٥ دەسكەوتی گرنگی ئەم هەرێمە و سەندیكای ڕۆژنامەنوسانی كوردستانە كەفاكتەرو بنەمای سەرەكی ئەو ئازادی ڕادەربڕین و ڕۆژنامەگەریە بوە ، لەساتەوەختی دەرچونی تا هەنوكە چەترێكی پاراستن و دابینكردنی ژینگەیەكی سەلامەت و ئارام بوە بۆ ڕژنامەنوسان .

هەڵبەتە سەركەوتنی ئەم یاسایەو دەسكەوتەكانی بەتەنها هەوڵی سەندیكاو تاك لایەنە نەبوە بەڵكو شایەنی ڕێز و پێزانینە بۆ هەمو لایەنە پەیوەندی دارەكان و دادگاكانی هەرێمی كوردستان، بەتایبەتی كەلەساڵانی ڕابردودا پشتیوان و جێبەجێ كەرو سەرخەری ئەم یاسایە بوون لەمامەڵەكردنیان لەگەڵ ڕۆژنامەنوسان لەسكاڵاو كەیسەكانیان. بەڵام بەداخەوە لەم چەند ڕۆژانەی ڕابردودا كۆمەڵێ كەیس و سكاڵا بۆ لیژنەكەمان هاتوە كە دادگاكان مامەڵە بەیاسای ژمارە ۳٥ ناكەن و پەنا بۆ یاساكانی تری هەرێم یان عێراق دەبەن لەیەكلاكردنەوەی كەیسەكانی ڕۆژنامەنوسان.

نمونەی وەك یاسای خراپ بەكارهێنانی ئامێرە ئەلكترۆنیەكان و یاساكانی سزدانی عێراقی. دوبارە بونەوەی ئەم حاڵەتانە ترسی ئەوەمان لا دروست دەكات ببێتە دیاردەو مەترسی بۆسەر ئازادی ڕادەربڕین و كاری ڕۆژنامەنوسان ، وە سیمای جوانی هەرێمەكەمان و پڕوسەی دیموكراسی پخاتە ژێر پرسیارەوە، بۆیە ئێمە لەلیژنەی داكۆكی داواكارین لەهەمولایەك كە ڕێز لەبەندەكانی یاسای ژمارە ۳٥ بگیرن و دادگاكان كاری پێ بكەن لە مامەڵەی كەیسەكانی رۆژنامەنوسان، تا پێكەوە ژینگەیەكی ئارام و تەندروست بۆ ڕاكەیاندنی كوردی فەراهەم بكەین.

لیژنەی داكۆكی لەئازادی ڕۆژنامەنوسی و مافی ڕۆژنامەنوسان-سەندیكای ڕۆژنامەنوسانی كوردستان

بابەتی دواتر

ئەنجومەنی شورای بزوتنەوەی ئیسلامی بەسەرپەرشتی ڕابەری گشتی کۆبوەوە

ئەنجومەنی شورای بزوتنەوەی ئیسلامی بەسەرپەرشتی ڕابەری گشتی کۆبوەوەلە ڕۆژی ١٠/١١/٢٠١٩ – ١٣ی رەبیع الاول ١٤٤١ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *