ناڕه‌زایه‌تییه‌كان دژی گرانكردنی نرخی به‌نزین له‌ ئێران كه‌ دوێنێ ده‌ستیانپێكرد، ئه‌مڕۆش درێژه‌یان هه‌یه‌. له‌ ناوچه‌ی ده‌ماوه‌ندی تاران، خۆپیشانده‌ران ئاگریان كرده‌وه‌ و ژماره‌یه‌ك له‌ رێگاكانیان به‌ڕووی هاتوچۆدا داخست. ( AA - ئاژانسی ئانادۆڵو )

وتەبێژی حکومەتی ئێران :بڕیاری گۆڕانکاری لە نرخی بەنزین بڕیارێکی قورس بوو

عەلی رەبیعی، وتەبێژی حکومەتی ئێران رایگەیاند، بڕیاری گۆڕانکاری لە نرخی بەنزین بڕیارێکی قورس بو، بەڵام بڕیارەکە بۆ “زیادکردنی داهات و یارمەتیدانی هەژارانە”.

عەلی رەبیعی، وتەبێژی حکومەتی ئێران ئەمڕۆ لە کۆنفرانسێکی رۆژنامەوانیدا رایگەیاند، بەشێک لە خۆپیشاندەرانی ئێران چەک و دەمانچەیان پێبوە و ماسکیان بەستوە، ئەوان ئەو رەفتارە بە خۆپیشاندان دانانێن و روبەڕویان دەبنەوە، بەڵام لەگەڵ ئەوەشدا تاران رێز لە خۆپیشاندانی ئاشتیانە دەگرێت.

ئاماژەی بەوەشکرد، “بڕیاری بەرزکردنەوەی نرخی بەنزین لە وڵاتدا بڕیاری رێبەری ئێرانە و دەسەڵاتی دادوەرییش بڕیارەکەی پەسەند کردوە، چونکە لە بەرژوەندی 60 ملیۆن خەڵکی کەمدەرامەتی وڵاتدایە”.

ماوەی چوار رۆژە خۆپیشاندانی ناڕەزایی لە تارانی پایتەختی ئێران و چەند شارێکی دیکەی رۆژهەڵاتی کوردستان بەڕێوەدەچێت، ئەوەش دوای ئەوەی حکومەتی تاران بڕیاریدا نرخی بەنزین بۆ زیاتر لە سێ هێندەی نرخی پێشوی بەرزبکاتەوە.

وتەبێژی حکومەتی ئێران رونیکردەوە، “ئەوانەی بەدوای سیاسیەتی ئەمریکا کەوتون، پێیان دەڵێن ئەمریکا درۆتان لەگەڵدا دەکات و ئەگەر سەیر بکەین دەبینین بەراورد بە دو رۆژی رابردو ژمارەی خۆپیشاندەران کەمیکردوە و خەڵکی باوەڕ بە قسەکانی بەرپرسانی واشنتۆن ناکات”.

بابەتی دواتر

دادگای باڵای عێراق بڕیاری ئازادكردنی بۆ 2626 خۆپیشاندەر دەركرد

دادگای باڵای عێراق بڕیاری ئازادكردنی بۆ دوو هەزار و ٦٢٦ خۆپیشاندەر كە لەخۆپیشانانەكاندا دەستگیركرابوون، دەركرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *