قوربانیانى کیمیابارانى هەڵەبجە,هێشتا بەدەم ئازارەکانیانەوە دەناڵێنن

قوربانیانى کیمیابارانى هەڵەبجە لە رۆژى جیهانى بەرکەوتووانى چەکى کیمیاییدا پەیامێکیان ئاڕاستەى بەرپرسانى حکومەتى هەرێم کرد و رایانگەیاند، هێشتا بەدەم ئازارەکانیانەوە دەناڵێنن.

ئەمڕۆ کەسوکاری شەهيدان و كۆمەڵەی قوربانیانی چەكی كیمیایی لە هەڵەبجە، لە کۆنگرەیەکی ڕۆژنامەنووسیدا لەبەیاننامەیەكدا داواكارییەكانیان خستەڕوو.

لەیلا حسێن، برینداری چەكی كیمیایی بەیاننامەی بنەماڵەی شەهیدانی خوێندەوە، کە ئاراستەی هەرسێ‌ سەرۆكایەتیەكەی هەرێم و وەزارەتی تەندروستی و پارێزگای هەڵەبجە کراوە.

ناوبراو ئاماژەی بەوەکرد: تێیدا هاتبوو: نیگەرانیەكانی خۆمان دەخەینە ڕوو، لەبەرامبەر پەراوێزخستمان كەمی ئیرادەیەك لەهەمبەر بەدەمەوە هاتمان بۆ ساڕێژكردنی برینەكانمان و ڕزگاركردنمان لەم دۆخە سەختەی ژیانی ڕۆژانەمان.

دەشڵێت: تائێستا برینداران بەدەم ئازارەكانمانەوە دەناڵێنین، بارودۆخی سبەینێمان لە ئەمڕۆ خراپتر و نالەبارترە، پێویستە ئاوڕی جدیمان لێبدەنەوە كەمێك باری سەرشانمان سوك بكەن.

هاوکات کۆمەڵەی قوربانیانی هەڵەبجە ڕایانگەیاند: پێویستە بڕە بودجەیەکى تایبەت بۆ چارەسەرکردنى بەرکەوتووان تەرخانبکرێت، چونکە تائیستاش زۆربەى بەرکەوتووان زیاتر لە سێ ساڵە سەردانى دکتۆرەکانیان نەکردووە.

داواشیانکردووە، ئامێرى پزیشکى پێشکەوتوو و پزیشکى پسپۆڕ بۆ نەخۆشخانەى بەرکەوتووانى چەکى کیمیایی بهێنرێت، بۆئەوەى راهێنان بە کارمەندەکان بکرێت بۆ چارەسەرکردنى بریندارەکان.

ئەوەشیان خستەڕوو، پێویستە تیمێکى پسپۆڕ بهێنرێت بۆ پۆلێنکردنى ئەوانەى کە لەدەرەوە و ناوخۆى هەرێم چارەسەریان بۆ دەکرێت.

بابەتی دواتر

دادگای باڵای عێراق بڕیاری ئازادكردنی بۆ 2626 خۆپیشاندەر دەركرد

دادگای باڵای عێراق بڕیاری ئازادكردنی بۆ دوو هەزار و ٦٢٦ خۆپیشاندەر كە لەخۆپیشانانەكاندا دەستگیركرابوون، دەركرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *