عێراق لە کوشتن و پێشێلکاری بەرامبەر رۆژنامەنوسان پێشەنگە

باسک نێت:

جارێکی تر عێراق کەوتەوە پێشەنگی ئەو وڵاتانەی پێشێلکاری بەرانبەر رۆژنامەنوسانی تێدا تۆمار کراوە کە لەماوەی ساڵێکدا ١١ رۆژنامەنووس لە عیراق کوژراون و پێشێلکاری دژ بە ٣٧٥ دیکەش کراوە.

رێکخراوی پەیامنێرانی بێسنور راپۆرتێکی لەبارەی دۆخی رۆژنامەنوسان لە عێراقدا بڵاوکردەوەو تیایدا ئەوە خراوەتەڕوو کە لەماوەی یەک ساڵی رابردودا ١١ رۆژنامەنووس لە ناوچە جیاجیاکانی عیراقدا کوژراون و ٤٤ ی تریش برینداربوون.

لە راپۆرتەکەدا ئەوە رونکراوەتەوە کە لە ماوەی ساڵێکدا ٣٧٥ پێشێلکاری بەرامبەر بە مافی رۆژنامەنووسان کراوەو ٧٨ حاڵەتی گرتن‌و ٥٨ حاڵەتی لێدان ھەبووە .

ئەو رێکخراوە ئاماژەی بەوەکردوە کە ساڵ بە ساڵ ئومێد لەسەر عێراق ھەڵدەچنرێت کە پێشێلکارییەکان کەمتر ببنەوە، بەڵام بەپێچەوانەوە عێراق دەچێتەوە ریزبەندی یەکەمەکانی پێشیلکاری بەرانبەر رۆژنامەنوسان.

ھەروەھا ئەو رێکخراوە داواشی لە حکومەتی عێراق کردوە کار بکات بۆ دابینکردنی کەشێکی ئازاد‌و گونجاو بۆ کاری رۆژنامەنوسان، ھەروەھا داواشی کردوە ئەوانەی پێشلکاری بەرانبەر رۆژنامەنوسان دەکات رێکاری یاسایی بەرانبەریان بگیرێتە بەر.

بابەتی دواتر

كرێکارێک لەکاتى کارکردندا لە قەزای شارەزوور بەهۆى تەزووى کارەباوە گیانى لەدەستدا

كرێکارێک کە لە نەتەوەى عەرەبە لەکاتى کارکردندا لە قەزای شارەزوور بەهۆى تەزووى کارەباوە گیانى لەدەستدا. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *