حەیدەر عەبادی: ئەنجامدانی ریفراندۆم لەم قۆناغەدا هەنگاوێكی سەركەوتوو و گونجاو نییە

باسك

سەرۆكوەزیرانی عێراق لەبارەی بڕیاری پارتە سیاسییەكانی هەرێمی كوردستان بۆ رێككەوتن لەبارەی ئەنجامدانی ریفراندۆم ئاماژەی بەوە دا، لەم قۆناغەدا ئەمە هەنگاوێكی سەركەوتوو و گونجاو نییە‌و چوونە ناو ریفراندۆم لە بری چارەسەركردنی كێشەكان رەوشەكە ئاڵۆزتر دەكات.

حەیدەر عەبادی سەرۆك وەزیرانی عێراق لە كۆنگرەی رۆژنامەوانی هەفتانەی خۆیدا رایگەیاند، ھەموو گەلێك ئامانج‌و ئومێدی خۆی ھەیە كە رێز لەمانە دەگرین، برا كوردەكانمان مافی بیركردنەوەیان لەم ئومێدە(ریفراندۆم) ھەیە، بەڵام ئێمە لەسەر خاكی یەك نیشتمان دەژین. ھاوپەیمانانمان زۆرە. ھێشتا داعش لە تەلەعفەر و حەویجە بوونی ھەیە.

وتیشی، لەم قۆناغەدا ئەمە ھەنگاوێكی سەركەوتوو و گونجاو نییە.

ئاشكراشیكرد، كورد ھاووڵاتی پلە یەكی عێراقە، ھەندێك كێشە لە نێوانماندا ھەیە، بەڵام دەبێت چارەسەری ئەمانە بكرێت. چارەسەركردنی ئەم كێشانە بە ریفراندۆم كارێكی مەنتقی نییە. نەك بە داخستن، بەڵكو جیھان بەرەو ئاراستەی كار ھاوبەش دەچێت. لەوبارەیەوە (ریفراندۆم) ھێشتا كێشەی جددی لەگەڵ وڵاتانی دراوسێ و ناوچەكە لە ئارادایە.

رونیشیكردەوە، وڵاتانی دراوسێ ئەم ھەنگاوە وەك ھەڕەشەی ئاسایشی نیشتمانیان دەبینن. ئەنجامدانی ریفراندۆم لە جیاتی چارەسەركردنی كێشەكان، ئاڵۆزتریان دەكات”.

سەرۆكوەزیرانی عێراق لەبارەی دیاریكردنی نەخشە رێگەیەك‌و چارەسەركردنی كێشەكان بانگەوازی دیالۆگی بۆ سەرجەم پارتە سیاسییەكانی كورد لە وڵات كرد.

بابەتی دواتر

دادگای باڵای عێراق بڕیاری ئازادكردنی بۆ 2626 خۆپیشاندەر دەركرد

دادگای باڵای عێراق بڕیاری ئازادكردنی بۆ دوو هەزار و ٦٢٦ خۆپیشاندەر كە لەخۆپیشانانەكاندا دەستگیركرابوون، دەركرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *