پزیشكانی بێسنوور: لەماوەی مانگێكدا 6700 هاووڵاتی كوژراون

لە راگەیەندراوێكدا رێكخراوی پزیشكانی بێسنوور ئاشكرایدەكات، لەماوەی مانگێكدا 6700 هاووڵاتی لە ناوچەی رۆهینگا كوژراون.

پزیشكانی بێسنوور هۆشداری توند دەدات لە توندوتیری زیاتر لە ناوچەكەو سوپای میانماریش تۆمەتبار دەكات بە كوشتن و ئاوارەكردن كەمینەكانی ئەو وڵاتە

ئاماژە بۆ ئەوەش دەكات، تا ئێستا زیاتر 647 هەزار كەس لە رۆهینگا ئاوارەی بەنگلادیش بوون.

لای خۆشیانەوە، لیژنەی نێودەوڵەتی خاچی سوور ئاشكرایدەكات، ڕووكەشەكانی ژیان لە ویلایەتی ڕاخین وەستاون كە دەكەوێتە باكووری میانمارەوەو تاكو ئێستاش (180) هەزار ڕۆهینگیا لەوێ بە ترسەوە دەژین.

دۆمێنیك ستیڵهارت بەڕێوبەری لیژنەی خاچی سوور دوای سەردانەكەی بۆ ناوچەكە لە كۆنگرەیەكی رۆژنامەوانیدا رایگەیاند، ئەگەر گرژییەكانی نێوان موسڵمانەكان‌و بوزییەكان بەردەوام بێت ئەوا بازرگانە موسڵمانەكان ناتوانن دووبارە دوكانەكان‌و بازاڕەكان بكەنەوە.

وتیشی، ڕەوشەكە بەدڵنیاییەوە جێگیر بووە لە ڕاخین‌و هەندێك ڕووداوی جیا جیا ڕوودەدەن، بەڵام گرژییەكان زۆر زۆرن لە نێوان موسڵمانەكان‌و بوزییەكاندا.

ئەمەش لەكاتێكدایە، سوپای میانمار كەمپینێكی سەربازی لە ویلایەتی ڕاخین دەست پێكردووەو نەتەوە یەكگرتووەكان یشبە پاكتاوی ڕەگەزی ناوی برد لەدژی موسڵمانەكان.

 

بابەتی دواتر

چوار هەزار و 800 هاوڵاتی هەرێم ناویان بۆ فەریزەی حەج دیاریکرا

لە کۆی 72 هەزار و 202 ناو چوار هەزار و 800 کەس ناویان بۆ ئەنجامدانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *