ئەمڕۆ 17 بوومەلەرزە ئێرانی هەژاند

دامەزراوەی فیزیكی زانكۆی تاران ئاشكرای دەكات، ئەمڕۆ ژمارەیەك بوومەلەرزە چەند ناوچەیەكی ئێرانیان هەژاندووە.

بەپێی ئەو زانیارییانەی ئەو دامەزراوەیە بڵاویكردوەتەوە، لەبەرەبەیانی ئەمڕۆ شەممەوە بوومەلەرزە 10 جار پارێزگای كرمانی هەژاندووە.

ئەمڕۆ بوومەلەرزەكان بە پلەكانی 2.2 پلە و 2.4 پلە و 1.9 پلە و 2.4 پلە و 2.2 پلە و 2.6 پلە و 2.2 پلە و 4 پلە و 2.1 پلەی ڕێختەر پارێزگای كرمان-یان لە ئێران هەژاندووە.

هەر بەپێی زانیارییەكانی ئەو دامەزراوەیە، چەند بوومەلەرزەیەكی تر بە پلەكانی 1.9 و 1.7 و 2.6 پلەی ڕێختەر ناوچەكانی قەسری شیرین و تازە ئابادی سەر بە پارێزگای كرماشانی لە ڕۆژهەڵاتی كوردستان هەژاندووە.

زانكۆی تاران ئاماژە بە بوونی چەند بوومەلەرزەیەكی تر دەكات لە پارێزگای یەزد بە پلەی 1.8 و 2.1 و 2 بە پلەی ڕێختەر و بوومەلەرزەیەكی تریش بە گوڕی 1.4 پلەی ڕێختەر لە دووری 23 كیلمەتر پارێزگای ئەسفەهانی هەژاندووە.

بەپێی زانیارییەكان، بوومەلەرزەكان هیچ زیانێكیان بە ناوچەكە نەگەیاندووە.

مانگی ڕابردوو بوومەلەرزەیەك بە گوڕی 7.3 باشوور و ڕۆژهەڵاتی كوردستانی هەژاند و زیاتر لە 600 هاوڵاتی گیانیان لەدەستدا و نزیكەی 11 هەزار هاوڵاتیش بریندار بوون جگە لە وێران بوونی دەیان گوند و روخانی سەدان خانوو لە ناوچەكە.

بابەتی دواتر

چوار کەس گەنجێک دەدەنە بەر چەقۆ

پۆلیسی ڕاپەڕین ڕایگەیاند، چوار کەس هێرشیان کردۆتە سەر گەنجێکی تەمەن 20 ساڵ و بەسەختی برینداریان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *