ئەگەر لەم پارێزگایانە بومەلەرزە رووبدات كەس ناتوانێت خۆی رزگار بكات

بەهرام عەكاشە باوكی زانستی بومەلەرزەناسی لە وڵاتی ئێران بە ئاماژەدان بە نائارامی شاری تاران دەڵێت، لە حاڵەتی روودانی بومەلەرزە لە شاری تاران خۆ دەربازكردن شتێكی ئەستەمە.

ئاژانسی هەواڵی (انتحاب) بڵاویكردەوە، بەهرام عەكاشە شارەزای بواری بومەلەرزە رایگەیاند، هاووڵاتیان مافی خۆیانە نیگەرانی گیانی خۆیان بن، بەڵام لە حاڵەتی روودانی بومەلەرزە لە تاران خۆرزگاركرن شتێكی ئەستەمە‌و پێشبینی هاتنی بومەلەرزەش شتێكی نەگونجاوە.

رونیشیكردەوە، بابەتی روودانی بومەلەرزە لە هەردوو پارێزگای تاران و كەرەج دەگەڕێتەوە بۆ زۆری دانیشتوانەكەی كە خۆی لە 15 ملیۆن زیاتر هاووڵاتیدا دەبێنێتەوەو باشی شوێنەكانی نیشتەجێبوون لەو دوو پارێزگایەش هۆكارێكیتری مەترسییەكانە.

وتیشی، دەتوانم ئەوە ئاشكرا بكەم تەواوی پارێزگاكانی ئێران بەتایبەت تاران و كەرەج لە بەرانبەر بومەلەرزەدا بێ بەرگرین و بەرگرییان بۆ ناكرێت.

ئەو بومەلەرزەناسە داواشی لە هاوڵاتیان كرد ئاگاداری گیانی خۆیان بن و شەقام‌و خانو و بازارەكانی تاران بەشێوەیەكی گشتی كێشەیان هەیە لە ئاست بومەلەرزەدا.

ئاماژەی بۆ ئەوەش كرد، لە ساتەوەختی هاتنی بومەلەرزە لە شاری تاران خۆ رزگاركردن شتێكی ئەستەمە، ئیتر لە زستان بێت یان لە هاویندا جیاوازی نییە.

لە 21ی ئەم مانگدا بومەلەرزەیەك بە 5.2 پلەی رێختەر شاری تارانی هەژاند و لە ئەنجامدا كەسێك گیانی لەدەستدا و 50 كەسیش بریندار بوون.

بابەتی دواتر

حیجاب، عادەتە یا عیبادەت؟

حیجاب، عادەتە یا عیبادەت؟….لیلی علی عبدالعزیز….سەرەتا پێویستە ئەوە بڵێم ووشەی باڵاپۆشی کە بەمانای حیجاب لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *