بەنمايشى وتارخوێندنەوەى بەرپرسان يادى ٣٠ساڵەى كيميابارانى هەڵەبجە كرايەوە

ئەمڕۆ هەينى(٢٠١٨/٣/١٦) يادى ٣٠هەمين ساڵەى كيميابارانى هەڵەبجە بەمەراسيمى وتارخوێندنەوەى بەرپرسانى حكومەتى هەرێم دەستى پێكردو ژمارەيەك ميوانى بيانى و عێراقيش ئامادەبوون، مەهدى عەلاق وەك نوێنەرى حەيدەر عەبادى سەرۆك وەزيرانى عێراق لەو مەراسيمەدا بەشدارى كردو بەناوى عەباديەوە وتارەى خوێندەوە.

شايانى باسە ساڵانە بەرپرسانى حكومەتى هەرێم لەشانزەى سێدا دێنە هەڵەبجەو كۆمەڵێك وتارى تەقليدى بۆ هەڵەبجەييەكان و خەڵكى كوردستان دەخوێننەوە، هەڵەبجەييەكان و بەتايبەتى كەس و كارى شەهيدان لەم جۆرە يادكردنەوەيە بێزارن و پێيان وايە تەنها نمايشكردنى وشەى بريقەدارو بەڵێنى بێ كردەوەى بەرپرسانە.

ئەمساڵ بزووتنەوەى ئيسلامى بڕيارى دا بەشدارى مەراسيمەكانى وتارخوێندنەوە نەكات و ڕايگەياند كە سيماى كاولكارى و مەينەتييەكانى كەس و كارى شەهيدان و بريندارانى چەكى كيمياوى لەهەڵەبجەدا ماوەو حزبەكانى دەسەڵات و حكومەت پرۆسەى بەپارێزگابوونى هەڵەبجەيان راگرتووەو بەغداش لەدياريكردنى بوجەدا هەڵەبجەى وەك پاترێزگا نەناساندووە، بۆيە ئەوان بەشدارى نمايشى وتارخوێندنەوەى بەرپرسانى حزب و حكومەت ناكەن.

بابەتی دواتر

رێكخراوی لێبوردنی نێوده‌وڵه‌تی: له‌ خۆپیشاندانه‌كانی ئێراندا 106 كه‌س كوژراون

رێكخراوی لێبوردنی نێوده‌وڵه‌تی رایدەگەیەنێت، ئێران بە شێوەیەکی نایاسایی بەردەوامە لە کوشتنی خۆپیشاندەران و دەشڵێت: له‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *