ئەردۆغان: ئاڵای تورکیامان لە سەنتەری عەفرین هەڵکرد

سەرۆککۆماری تورکیا ، رایگەیاند: “لەکاژێر 8:37 خولەکی بەیانی ئەمڕۆ عەفرین کۆنترۆڵکراوە و ئاڵای تورکیامان لە سەنتەری عەفرین هەڵکرد”.

رەجەب تەیب ئەردۆغان ، سەرۆککۆماری تورکیا له‌ 103 ساڵیادی رۆژی رزگاری توركیا له‌ چاناككاڵه‌ گوتارێکی پێشکەش کرد و گوتی: “وه‌ك چۆن جه‌رابلوس و باب و ئه‌عزازمان ئاوه‌دانكرده‌وه‌ عه‌فرینیش ئاوه‌دان ده‌كه‌ینه‌وه‌ ، ژێرخان و سه‌رخانی عه‌فرین ئاوه‌دان ده‌كه‌ینه‌وه‌ و باشترین خزمه‌ت بۆ عه‌فرینییه‌كان ده‌كه‌ین.”. گوتیشی: “داوا لە خەڵکی عەفرین دەکەین بگەڕێنەوە سەر ماڵ و حاڵی خۆیان”.

ئه‌ردۆغان ، له‌ ده‌ستپێكی گوتاره‌كه‌یدا گوتی ، موژده‌ی سه‌ركه‌وتنتان پێ ده‌ده‌م ، كاژێر 08:37 خوله‌ك عه‌فرینمان كۆنترۆڵكرد ، ئاڵای توركیامان له‌ سه‌نته‌ری عه‌فرین هه‌ڵكرد. وه‌ك چۆن له‌ جه‌نگی رزگاریخوازی چاناككاڵه‌ به‌جۆش و خرۆش به‌رگریمان كرد ئه‌مڕۆش به‌هه‌مان شێوه‌ به‌رگری له‌ خاك و نیشتمانمان ده‌كه‌ین.

سەرۆککۆماری تورکیا هەروەها گوتی: “ویستیان له‌ ناوخۆ هێرشی تیرۆرمان بكه‌نه‌ سه‌ر به‌ڵام نه‌یانتوانی دواتر له‌ ده‌ره‌وه‌ی سنووره‌كانمان هێرشیانكرد ، گرووپه‌ تیرۆریسته‌كان وه‌ك زنجیره‌ن. دوو ئه‌ڵقه‌ی ئه‌م زنجیره‌مان شكاند و سێیه‌میش به‌ڕێوه‌یه‌. گرووپه‌ تیرۆریسته‌كان و پشتیوانه‌كانیان به‌ چه‌كی مۆدێرنه‌وه‌ چۆكیان دادا به‌رامبه‌ر هێزه‌كانمان”.

رەجەب تەیب ئه‌ردۆغان لە درێژەی گوتارەکەیدا گوتی: “ئۆپه‌راسیۆنه‌كه‌مان بۆ ئاشتی ده‌ستپێكرد ، ئه‌مڕۆ ته‌نانه‌ت یه‌ك سڤیلیش خوێن له‌ لووتی نه‌ڕژا”.

 

ب.هـ

بابەتی دواتر

فەرمی.. کات و شوێنی کلاسیکۆی ئیسپانیا دیاریی کرا

کلاسیکۆی بەرشەلۆنەو ریاڵ مەدرید لە 18ی مانگی 12 لەکاتژمێر 10ی شەو ئەنجام دەدرێت. رابیتەى خولی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *