چەكدارێكی داعش خۆی تەقاندەوەو سێ چەكداری حەشدی شەعبی كوشت

باسك نێت

بەرەبەیانی ئەمڕۆ هێزە هاوبەشەكانی سوپای عێراق لە رۆژئاوای شارۆچكەی ئامرلی و ناوچەی غەڕە لە باشووری خورماتوو ئۆپەراسیۆنێکیان دژی شانە نووستووەکانی داعش دەستپێکرد، بەهۆی خۆتەقاندنەوەی خۆكوژێكەوە، سێ چەكداری حەشدی شەعبی كوژران.

‎عەلی هاشمی، وتەبێژی حەشدی شەعبی لە خورماتوو بە ( رووداو)ی راگەیاند، لە كاتی كێوماڵدا خۆكوژێكی داعش لە ناوچەی غەڕە خۆی بە حەشدی شەعبی و سوپادا تەقاندەوە. لە ئەنجامدا سێ چەكداری حەشد كوژران، كە دانیشتووی ئامرلین، 11 چەکدار و سەربازی دیكەش لە حەشد و پۆلیسی فیدراڵی، بەرپەرچدانەوەی خێرا و سوپا برینداربوون.

‎هاشمی راشیگەیاند “ناوچەكە بەرفراوانە و داعش خۆی رێكخستووەتەوە، دەبێ لەناوببرێن بۆئەوەی ئارامی ناوچەكە نەشێوێنن”.

هێزەکانی حەشدی شەعبی و سوپای عێراق عێراق ئەمڕۆ شەممە 31-3-2018 هەڵمەتێکی سەربازییان بۆ پشکنین و راوەدوونانی چەکدارانی داعش لە ناوچەکانی باشووری شاری خورماتوو دەستپێکرد.

ب.هـ

بابەتی دواتر

حیجاب، عادەتە یا عیبادەت؟

حیجاب، عادەتە یا عیبادەت؟….لیلی علی عبدالعزیز….سەرەتا پێویستە ئەوە بڵێم ووشەی باڵاپۆشی کە بەمانای حیجاب لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *