ئه‌گه‌ر ده‌وام ئاسایی بۆوه‌و هه‌ر فه‌رمانبه‌رێك له‌گه‌ڵ كۆمپانیا بوو پاره‌ی هاندانه‌كه‌ی بۆ خه‌رجده‌كرێت

بریكاری وه‌زاره‌تی شاره‌وانی حكومه‌تی‌ هه‌رێم ڕايگه‌یاند، “به‌گوێره‌ی بڕیارێكی وه‌زاره‌تی دارایی، له‌داهاتی شاره‌وانیه‌كان چه‌ند فه‌رمانبه‌رێك له‌وه‌زاره‌تی شاره‌وانی پێدانی پاره‌ی هاندان ده‌یانگرێته‌وه‌ ئه‌وانیش بریتین له‌و فه‌رمانبه‌رانه‌ی (داهاتی شاره‌وانی كۆده‌كه‌نه‌وه‌، جێبه‌جێكاری پڕۆژه‌كان و ئه‌و فه‌رمانبه‌رانه‌ی زیاتر له‌كاتی خۆیان ده‌وامده‌كه‌ن)”.

وتیشی‌:”به‌گوێره‌ی ئه‌و نوسراوه‌ی شاره‌وانی سلێمانی كه‌ بۆ وه‌زاره‌تی شاره‌وانی ناردوه‌ داوایانكردوه‌ ڕاسته‌وخۆ ده‌سه‌ڵاتیان بدرێتێ پاره‌ی هاندان دابه‌شبكه‌ن به‌بێ فه‌رمانی وه‌زاره‌ت، به‌ڵام له‌ڕێنمایه‌كانی وه‌زاره‌تی دارایدا هاتوه‌ كه‌ پێویسته‌ به‌فه‌رمانی وه‌زاره‌ت پاره‌كه‌ دابه‌شبكرێت، ئێمه‌ش ناتوانین ڕێنماییه‌كان بگۆڕین، هه‌ربۆیه‌ پێویسته‌ شاره‌وانی سلێمانی ناوی ئه‌و فه‌رمانبه‌رانه‌ بنێرێته‌ وه‌زاره‌ت و فه‌رمانی وه‌زاره‌تی بۆده‌ربچێت و پاشان خه‌رجبكرێت”.

خه‌سره‌و كه‌مال بریكاری‌ وه‌زاره‌تی‌ شاره‌وانی‌ ئاشكراشیكرد، “له‌ئێستادا به‌هۆی كه‌می ده‌وامی فه‌رمانبه‌رانه‌وه‌، وه‌رگرتنه‌وه‌ی داهاته‌كانی شاره‌وانی دراوه‌ به‌كۆمپانیاكان و له‌ئاینده‌یه‌كی نزیكدا ده‌ستبه‌كارده‌بن، به‌ڵام ئه‌گه‌ر ده‌وام ئاسایی بۆوه‌و هه‌ر فه‌رمانبه‌رێكیش له‌گه‌ڵ ئه‌و كۆمپانیایانه‌ ده‌ستبه‌كاربوو، پاره‌ی هاندانه‌كه‌ی بۆ خه‌رجده‌كرێت”.

هه روها وتى:”وه‌زاره‌ت یاسای ڕێگریكردن له‌زیاده‌ڕه‌ویشی ده‌ركردوه‌، به‌گوێره‌ی یاساكه‌ نابێت پاداشت له‌موچه‌ی ئه‌وكه‌سه‌ زیاترنه‌بێت كه‌ هه‌ڵده‌ستێت به‌لابردنی زیاده‌ڕۆییه‌كه‌، چونكه‌ كاتێك لیژنه‌یه‌ك پێكده‌هێنرێت بۆ لابردنی زیاده‌ڕۆیی، ئه‌و پاداشته‌ی كۆده‌كرێته‌وه‌، نابێت له‌كۆی موچه‌كه‌ی خۆی زیاتربێت، له‌به‌رئه‌وه‌ی‌ به‌دوو موچه‌ هه‌ژمارده‌كرێت”.

ش.ك

بابەتی دواتر

دژی کەمبونەوەی کارەبا لە پینجوێن خۆپیشاندان بەڕێوەدەچێت

دژی کەمبونەوەی کاتژمێرەکانی کارەبای نیشتیمانی هاوڵاتیانی قەزای پێنجوێن گردبوونەوە و ڕایانگەیاند، چەند رۆژێکە کارەبای نیشتیمانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *