دارایی عیراق: موچه‌ی فه‌رمانبه‌رانی هه‌رێم به‌رده‌وامی ده‌بێت و ته‌نها بۆ چه‌ند مانگێكی دیاریكراو نییه

بە‌غدا لەسەر ناردنی مووچە مژده‌یه‌ك به‌ فه‌رمانبه‌ران هه‌رێم ده‌دەن و ئاشکرای دەکەن سه‌ره‌تای هه‌فته‌ی داهاتوو بڕە پارەکەی مووچە ره‌وانه‌ی هەرێم ده‌كرێت.

ماهر جوهان، بریكاری وه‌زاره‌تی دارایی حكومه‌تی عیراق، رایگه‌یاندووە ” حه‌یده‌ر عه‌بادی سه‌رۆك وه‌زیران، كه‌ هاوكات وه‌زیری داراییه‌ به‌وه‌كاله‌ت، بڕیاری خه‌رجكردنی موچه‌یه‌كی دیكه‌ی فه‌رمانبه‌رانی هه‌رێمی كوردستانی ده‌ركردووه”‌.

بریكاری وه‌زاره‌تی دارایی حكومه‌تی عیراق، بە ماڵپەڕی تۆڕی هەواڵی سلێمانی راگەیاندووە ” بڕیاره‌كه‌ له‌ دوانیوه‌ڕۆی رۆژی 19ی 4ی 2018 گه‌یشتۆته‌ وه‌زاره‌تی دارایی عیراق و ئه‌گه‌ر كاتی ده‌وام كۆتایی نه‌هاتایه‌، ئه‌وا هه‌ر ئه‌و رۆژه‌ رێكاره‌ كارگێڕی و ته‌كنیكیه‌كانی گواستنه‌وه‌ی ئه‌و پاره‌یه‌ بۆسه‌ر هه‌ژماری بانكیی وه‌زاره‌تی دارایی هه‌رێم ته‌واو ده‌كرا، به‌ڵام به‌دڵنیاییه‌وه‌ سه‌ره‌تای هه‌فته‌ی داهاتوو ئه‌و رێكارانه‌ ته‌واو ده‌بن و پاره‌كه‌ش راده‌ستی وه‌زاره‌تی دارایی هه‌رێم ده‌كرێت”.

دەربارەی بەردەوامیدان بەو بڕە پارەیە مانگانە، ماهر جوهان، جەخت لەسەر ئەوە دەکاتەوە، ” ناردنی موچه‌ی فه‌رمانبه‌رانی هه‌رێم به‌رده‌وامی ده‌بێت و ته‌نها بۆ چه‌ند مانگێكی دیاریكراو نییه”‌.

سه‌باره‌ت به‌ بڕی پاره‌كه‌ش، ماهیر جوهان وتی:” پاره‌كه‌ هه‌مان بڕی مانگی پێشووه‌، كه‌ بریتییه‌ له‌ 317 ملیارو 545 ملیۆن دینار”.

تا ئێستا حکومەتی هەرێم مووچەی مانگی یەکی ٢٠١٨ پێشمەرگە و هێزەکانی ناوخۆ و ئەنجومەنی ئاسایش، هەروەها مووچەی خانەنشینانیش بە سەربازی و مەدەنیەوە نەدراون.

ش.ك

بابەتی دواتر

كه‌شناسی هه‌رێم بڕی باران بارینی 24 كاتژمێری رابردووی ناوچه‌ جیاجیاكانی راگه‌یاند

كه‌شناسی هه‌رێم بڕی باران بارینی 24 كاتژمێری رابردووی ناوچه‌ جیاجیاكانی راگه‌یاند.  ئه‌مڕۆ دوو شه‌ممه‌ له‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *