رۆژنامەی حەیات: دوای هەڵبژاردنی 12ی ئایار لەعێراق حكومەتی زۆرینە پێكده هێنن

بەپێی رۆژنامەی حەیات، لایەنە شیعییەكان ماوەیەكە دەستیان بەهەوڵێك كردووە، بۆ ئەوەی هاوپەیمانییەی شێوەی هاوپەیمانی نیشتمانی پێكبهێنن، كە لەساڵانی رابردوو پێكیانهێناوە.

هەر بەپێی رۆژنامەكە هاوپەیمانییەكە لەژێر ناوی هاوپەیمانی نیشتمانی شیعەكان، یان ناوێكی تر دروستدەكرێت، كە لەزۆرینەی لایەنە شیعییەكان پێكدێت.

رۆژنامەكە باسی لەوەش كردووە، ئامانج لەپێكهێنانی ئەو هاوپەیمانییە، بۆ دروستكردنی زۆرینەیەكی پەرلەمانییە لەعێراق، بۆ ئەوەی دوای هەڵبژاردنی 12ی ئایار حكومەتی زۆرینە پێكبهێنن.

بڕیارە لە 12ی ئایاری داهاتوو هەڵبژاردنی ئەنجوومەنی نوێنەرانی عێراق بەرێوەبچێت، كە لایەنە شیعییەكان، ئێستا بەچەند پێكهاتەیەكی جیاواز بەشداری ئەو هەڵبژاردنە دەكەن.

رۆژنامەكە ئەوەشی ئاشكراكردووە، كە لایەنە شیعییەكان دەیانەوێت پێش ئەنجامدانی هەڵبژاردن ئەو پرسە یەكلابكەنەوەو لەسەر پۆستە سیادییەكان رێككەوتن بكەن، لایەنە شیعییەكان كار بۆ دروستكردنی هاوپەیمانییەكی گەورە لەعێراق دەكەن، بۆ ئەوەی لەدوای هەڵبژاردن حكومەتی زۆرینە پێكبهێنن.

ش.ك

بابەتی دواتر

كه‌شناسی هه‌رێم بڕی باران بارینی 24 كاتژمێری رابردووی ناوچه‌ جیاجیاكانی راگه‌یاند

كه‌شناسی هه‌رێم بڕی باران بارینی 24 كاتژمێری رابردووی ناوچه‌ جیاجیاكانی راگه‌یاند.  ئه‌مڕۆ دوو شه‌ممه‌ له‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *