شووشەی ئۆتۆمبێلێک یارمەتی نابیناکان دەدات هەست بە دیمەنەکانی دەرەوە بکەن

کۆمپانیایەکی ئەمریکی هەوڵی دروستکردنی ئۆتۆمبێلێک دەدات کە یارمەتی نابیناکان دەدات هەست بە دیمەنەکانی دەرەوەی ئۆتۆمبێلەکە بکەن.

ماڵپەڕی بی بی سی بڵاویکردووەتەوە، کۆمپانیای فۆرد لە هەوڵی دروستکردنی ئۆتۆمبێلێکی زیرەکدایە بۆ ئەوەی سەرنشینە نابیناکانی ئۆتۆمبێلەکە هەست بە دیمەنەکانی دەرەوە بکەن.

ڕوونیشیکردووەتەوە، نمونەی دروستکراوی ئەو جۆرە ئۆتۆمبێلە کە بە ناوی (هەست بە دیمەنەکان بکە) بەرهەمهێنراوە، بە کەڵکوەرگرتن لە چەند وێنە بە کۆنتراستی باڵا لەسەر گڵۆپەکانی (LED)، دیمەنی دەرەوەی ئۆتۆمبێلەکە کۆپی دەکەنەوە.

ئاماژەی بەوەش کردووە، سەرنیشنە نابیناکانی ئەو جۆرە ئۆتۆمبێلە دەتوانن بە دەستلێدان لە شووشەی ئۆتۆمبێلەکە، بە خێرایی جۆراجۆر هەست بە سێبەری لەرینەوە خۆڵەمێشییەکان بکەن.

ئەوەشی خستووەتەڕوو، تایبەتمەندییەکی تری ئەو ئۆتۆمبێلە ئەوەیە کە بە کەڵکوەرگرتن لە ئامێرێکی دەنگی زیرەک، تایبەتمەندی دیمەنەکانی دەرەوەی ئۆتۆمبێلەکە بۆ سەرنشینە نابیناکان ڕووندەکرێتەوە و دەگوازرێتەوە.

کۆمپانیای دروستکردنی ئۆتۆمبێلی فۆرد لە ئیتاڵیا بە هاوکاری لەگەڵ کۆمپانیای جی تی بی و کۆمپانیایەکی ناوچەیی، پلانی دروستکردنی ئەو جۆرە ئۆتۆمبێلەیان داڕشتووە.

ب.هـ

بابەتی دواتر

وەزیری كشتوكاڵ لەبارەی ساختەكردنی نوسراوێكی رونكردنەوەیەك بڵاودەكاتەوە

دوای ئه‌وه‌ی كه‌سێك به‌ نووسراوێكی ساخته‌، كه‌ ئیمزای وه‌زیری كشتوكاڵی به‌ ساخته‌ خستووه‌ته‌ سه‌ر، هه‌وڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *