ئێران: هیچ کەس ناتوانێت ناچارمان بکات لە سوریا بکشێینەوە

وتەبێژی وەزارەتی دەرەوەی ئێران ڕایگەیاند، هیچ کەس و لایەنێک ناتوانێت ناچاریان بکات لە سوریا بکشێنەوە و تا ئەو کاتەی حکومەتی سوریا بیەوێت، هێزەکانیان لەو وڵاتە دەمێننەوە.

بەهرام قاسمی وتەبێژی وەزارەتی دەرەوەی ئێران لە کۆنفرانسێکی ڕۆژنامەنوسیدا ڕایگەیاند، “تا ئەو کاتەی پێویست بکات و مەترسی تیرۆر لە سوریا بمێنێت و حکومەتی دیمەشق بیەوێت، هێزەکانمان لە خاکی ئەو وڵاتەدا دەمێننەوە“.

ئاماژەی بەوەش کرد، “هیچ کەس ناتوانێت ناچارمان بکات کارێک ئەنجامبدەین، کۆماری ئیسلامی ئێران بەپێی بەرژەوەندییە نیشتمانییەکانی لە ناوچەکە و جیهان سیاسەتەکانی خۆی دیاریدەکات“.

قاسمی ئەوەشی خستەڕوو، “دەبێت کەسانێک لە سوریا بچنە دەر کە بەبێ مۆڵەتی دیمەشق چوونەتە ناو ئەو وڵاتە و سەروەری خاکەکەیان پێشێلکردووە“.

ب.هـ

بابەتی دواتر

دادگای باڵای عێراق بڕیاری ئازادكردنی بۆ 2626 خۆپیشاندەر دەركرد

دادگای باڵای عێراق بڕیاری ئازادكردنی بۆ دوو هەزار و ٦٢٦ خۆپیشاندەر كە لەخۆپیشانانەكاندا دەستگیركرابوون، دەركرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *