وەزیری پەروەردە: سەرەتای مانگی داهاتوو مووچەی مامۆستایان دابەش دەكرێت

وەزیری پەروەردەی حكومەتی هەرێمی كوردستان ڕایدەگەیەنێت: پارەی هاندان ئەو كاتە دابەش دەكرا كە بارودۆخی موچە خراپ بو وە سەرەتای مانگی شەش مووچە بەسەر مامۆستایاندا دابەش دەكرێت.

 

ئەمڕۆ یەك شەممە 27ی ئایاری 2018، د.پشتیوان سادق وەزیری پەروەردەی حكومەتی هەرێمی كوردستان لە كۆنفرانسێكی ڕۆژنامەوانیدا ڕایگەیاند: لەسەرتاسەری هەرێم بە بەشداری 234 هەزار و 84 قوتابی تاقیكردنەوەكانی پۆلی 12ی ئامادەیی و نۆی بنەڕەتی دەستی پێكرد و ماوەی دوو هەفتە دەخایەنێت.

 

لەسەر دابەشكردنی پارەی هاندان بۆ مامۆستایان، وەزیری پەروەردە ووتی: پارەی هاندان ئەو كاتە دابەش دەكرا كە بارودۆخی موچە خراپ بوو ئێستا بارودۆخی موچە باش بوەو هیواداریش ئەو پاشەكەوتە كەمەی موچە ماوە، نەمێنێت و موچەخۆران موچەی تەواو وەربگرن.

 

سەبارەت بە هێڵەكانی ئینتەرنێت، د.پشتیوان سادق ئەوەی خستەڕوو: لەگەڵ بەڕێوەچونی تاقیكردنەوەكان ڕۆژانە لە كاتژمێر حەوتەوە هێڵەكانی ئینتەرنێت دەبڕێت و مەبەستیش لێی ڕێگریكردنە لە قۆپیكردن.

 

ب.هـ

بابەتی دواتر

كۆیە: كات بۆ هاتوچۆی ئۆتۆمبێلی بارهەڵگر دیاریكرا

قائیمقامیەتی قەزای كۆیە، لە ئاگادارینامەیەكدا، ڕایدەگەیەنێت، لەبەر سەلامەتی گیانی هاوڵاتیان و كەمكردنەوەی ڕووداوەكانی هاتوچۆ، لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *