كۆمپانیایەك بێ بەرامبەر پەخشی كەناڵە ناوخۆییەكان دەكات

 

كۆمپانیایەكی بواری پەخشكردنی كەناڵە ناخۆییەكان بڕیاریداوە تاوەكو 15ی حوزەیران سەرجەم كەناڵە ناوخۆییەكانی سیستمی‌ نوێی‌ DVBT2 كە لە نێو خەڵك ناسراوە بە (HD) بكاتە كۆد ئەویش لە رێگەی كڕینی ئامێرێك بكرێنەوە كە نرخەكەی لە نێوان 39 هەزار دینار تاوەكو 80 هەزار دینارە، لەگەڵ كارتێكی 70 هەزار دیناری، ئەوەش نیگەرانی لای هاوڵاتیان دروستكردووە.
شاڵاو كاكەمین، بەرێوەبەری گشتی كۆمپانیای ئای ستار میدیا بە باسنيوزی راگەیاند: مووژدە بە هاووڵاتیان دەدەن كە بە بێ بەرامبەر بەردەوامی دەدەن بە پەخشكردنی كەناڵە ناوخۆییەكان، گوتی: “بەم دواییە كۆمپانیایەك هەڵساوە بە راگرتن و كۆدكۆدنی كەناڵە ناوخۆییەكان لە پارێزگای هەولێر، بەڵام ئێمە لە هەولێر و دەورووبەری تا دەگاتە ئەو شوێنانەی بورجی كۆڕەكیان لێ دیارە لە سۆران و رواندوز و ئەو ناوچانە پەخشی كەناڵە ناوخۆییەكان دەكەین و نابێتە پارە یان ئامێری تری پێویست بێت”.
گوتیشی: “ئەو كەسانەی سیستەمی كەناڵە ناوخۆییەكانیان بەستراوە بە تەلەڤزیۆن ئەوانەشی ئامێریان هەیە ئەوە ئەو كەناڵانەی ئێمە پەخشیان دەكەین بەردەوام دەبێت تەنها دەبێت دووبارە گەڕان بكەن تۆماتیكی كەناڵەكان دێنەوە بە بێ ئەوەی پێویست بكات كۆد بكڕن یان ئامێری تازە بكڕن”.
جەختی كردەوە تاوەكو ماوەیەكی درێژ ئەو خزمەتگوزارییەیان بەردەوام دەبێت و ناكرێـتە پارە، گوتیشی: “لە سلێمانیش خەریكی ئەو پڕۆژەیەین و دەمانەوێت ببینە سەرتاسەری كوردستان ئەو كەناڵانەی لە هەولێر هەیە لە سلێمانی و دهۆكیش هەبێت”.
بەرپرسەكەی كۆمپانیای ئای ستار ئاشكراشی كرد، لە پارێزگای هەولێر 59 كەنالی ناوخۆیی و ئاسمانی لەسەر سیستەمی ئێج دی پەخش دەكەن، گوتیشی: “بە نیازین كەناڵەكان زۆر زیاتر بكەین لە 10 رۆژی داهاتوو 15 كەناڵی تریش دەكرێنەوە”.
سەبارەت بە دڵەراوكێی وەرژشوانان بۆ یارییەكانی مۆندیال، شاڵاو كاكەمین دڵنیایی داو گوتی: “چەند كەناڵێكی ناوخۆیی وەرزشی پەخش دەكەین، هەروەها 10 كەناڵی بیانی وەرزشیش دەخەینە نێو سیستەم بۆ ئەوەی بینەران لە بینینی یارییەكانی مۆندیال بێ بەش نەبن”.
دووپاتیشی كردەوە، پێشووتر كێشەی كوالێتی پەخشیان هەبووە، بەڵام لەو مانگەدا ئەو كێشەیان چارەسەركردووە، دەشڵێت: “بۆ ئەو كەناڵانەی دەیانەوێت لای ئێمە پەخش بكەن ئەوە بێ بەرامبەر مانگانە بۆیان پەخش دەكەین چونكە گرێبەستەكەمان ئەوەی تێدایە كە 5 ساڵ بە خۆڕایی بۆیان پەخش دەكەین، تەنانەت بە بێ بەرامبەر بایی 7 هەزار دۆلار ئامێریشان بۆ دابین دەكەین”.

 

ب.هـ

بابەتی دواتر

دادگای باڵای عێراق بڕیاری ئازادكردنی بۆ 2626 خۆپیشاندەر دەركرد

دادگای باڵای عێراق بڕیاری ئازادكردنی بۆ دوو هەزار و ٦٢٦ خۆپیشاندەر كە لەخۆپیشانانەكاندا دەستگیركرابوون، دەركرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *